Nazioartean bertsolaritza zer den erakusteko dokumentala sortu dute

What is bertsolaritza? (Zer da bertsolaritza?) galdera honi erantzunez sortu dute 20 minutuko dokumentala, nazioartean bertsolaritza zer den erakusteko helburuarekin.

Bertsolaritza praktika unibertsala eta bakarra da. Unibertsala dela diogu, kantu inprobisatua kultura askotan gertatzen den fenomenoa delako. Baina, aldi berean, bakarra da, beste hainbat faktoreren artean, euskaraz egiten delako. Ideia horrekin, ekin zioten iaz, Etxepare Euskal Institutua eta Mintzola Ahozko Lantegia dokumentala sortzeari, Bertso Txapelketa Nagusia martxan zela.

Ikus-entzunezkoak bertsolaritzaren testuingurua, sormen-prozesua eta gaur egungo egoera kontatzen ditu. Alde batetik, Bertso Txapelketa Nagusia baliatuz, Euskal Herri mailan bertsolaritzak duen oihartzuna erakusten da eta, aldi berean, Europan eta munduan kokatuz, atzerriko ikertzaileek eta inprobisatzaileek bertsolaritzari buruz duten ikuspuntua ezagutarazten da. Horrez gain, bertsolaritzak garaikide izaten jarraitzeko eman dituen pausoak azaltzen dira: belaunaldiartekotasuna eta emakume bertsolarien ekarpena, besteak beste. Azkenik, bertsolaritzaren mugimenduaren errepaso azkar bat egiten da: herriz herriko bertso plazak, bertso eskolak, bertsolariak edota Bertsozale Elkartea. Hau guztiaz gain, bertsoaldi batzuk ere baliatu dira adibide moduan, bertsolaritzaren berri ez dutenek oinarrizko ezagutza bat izan dezaten.

Dokumentala Bertsozale Elkarteko ikus-entzunezko lantaldeak zuzendu eta ekoiztu du, Xabier Payak landutako gidoian oinarrituta. Nazioartean bertsolaritza zer den azaltzeko xedea duenez, ingelesez garatu da gehien bat (bertsoaldien irudiak izan ezik, hauek euskaraz baitira), eta euskaraz, gazteleraz eta frantsesez jarri zaizkio azpitituluak.

You may also like

Merina Gris taldeak ‘Saiatzen naiz’ abestia eta bideoklipa aurkeztu ditu
Posted on 2021-01-29 by KulturSharea
Ed Is Dead produktore ospetsuak ekoitzi du lan berria eta Izaro [...]
Grises taldeak ‘Galdu arte’ abestiaren bideoklipa aurkeztu du
Posted on 2021-01-27 by KulturSharea
Joan den urrian Azpeitian eskainitako kontzertuko irudiekin osatu du [...]
Ilargi abeslariak ‘Betirarte’ diskoaren aurrerapen kanta aurkeztu du
Posted on 2021-01-26 by KulturSharea
Ilargi abeslari gazteak Betirarte bere lehen diskoa izango den lehen [...]
Potx eta Lotx pailazoek ‘Txunpa Txun’ abestia eta bideoklipa aurkeztu dituzte
Posted on 2021-01-05 by KulturSharea
Urte berriarekin batera Potx eta Lotx pailazoek Txunpa Txun izeneko [...]
‘Terapia’ ØDEI rap abeslariaren bakarkako lanaren aurrerapen kanta
Posted on 2020-12-23 by KulturSharea
ØDEI rap abeslariak 'Terapia' abestiaren bideokliparekin aurkeztu du [...]
Kalakan taldeko ‘Xoriñoa kaiolan’ kanta askatasun oihu bat
Posted on 2020-12-22 by KulturSharea
Iparraldeko folk hirukoteak askatasunari egin dio dei Xoriño [...]
ETS taldea otsailean bueltatuko da agertokietara
Posted on 2020-12-18 by KulturSharea
Taldeak Egingo dugu eztanda abesti berria aurkeztu du. Lehenengo [...]

Page 26 of 57

Zabaldu: