Horazz-ek eta Suaiak “Ya vienen” kantaren bideoklipa aurkeztu dute

Posted on 2021-09-23 by KulturSharea

EZLNk Bizitzaren aldeko bira egingo du Europako 20 herrialde baino gehiagotan, esperientziak eta borrokak partekatzeko eta kontinentearen zati handi bateko herri-mugimenduekin sareak eratzeko asmoz.

Horazz-ek eta Gorka Suaiak Ya Vienen abestia konposatu dute Europara heltzear den Bizitzaren aldeko birari ongietorria eman eta egonaldiari soinu banda jartzeko. Abestiarekin batera bideoklip kolektiboa osatu dute, zapatisten birari laguntzen eta hura antolatzen parte hartu duten jarraitzaile eta kolektiboek grabatutako irudiekin.

Joan den ekainaren 18an, Ozeano Atlantikoa zeharkatuz 47 eguneko zeharkaldia egin ondoren, Vigora heldu zen lehen ordezkaritza zapatista, eta, irailaren 14an, EZLN Askapen Nazionaleko Armada Zapatistako ehun kide baino gehiago Vienara iritsi ziren, Europako Bira abiatuko den puntura, hain zuzen. Hala, mugimendu politiko, sozial eta iraultzaile gisa jarduten duen EZLNk bizitzaren aldeko bira egingo du Europako 20 herrialde baino gehiagotan, esperientziak eta borrokak partekatzeko eta kontinentearen zati handi bateko herri-mugimenduekin sareak eratzeko helburuarekin.

Harrera musikatu bat emateko asmoz, Horazz-ek eta Suaiak hip-hop eta reggae estiloak nahastu dituzte ondu duten kantuan. “Mugimendu zapatistak ekartzen digun errebeldia hazia lorarazteaz eta kapitalismoaren biktima diren lurrak eta gizaki orok jasaten dituzten minak gure egiteaz hitz egiten du abesti honek”, azaldu dute. Sistema honetan ikasitakoa desikastea proposatzen dute musikariek.

Hiru hizkuntza nahasten dira abesti honetan: errumaniera, euskara eta gaztelania. Madrilen bizi den errumaniar jatorriko rap artista da Horazz eta musika ekoizpenaz arduratu da, Raul Garcia Guillen gitarra jotzailearen laguntzarekin. Suaia, Suaia eta Ama Rebel reggae taldeko abeslaria, abestiaren ahotsak osatzen ditu.

Nahasketa eta masterizazioa Ibon Larruzea soinu ingeniariak egin du Bilboko Euridia estudioan.

You may also like

‘Black Is Beltza II. Ainhoa’ filmaren soinu banda aurkeztu dute
Posted on 2022-09-15 by KulturSharea
Soinu banda bihar, irailak 16, kaleratuko dute. Fermin Muguruzak [...]
Nerea Ibarzabal idazleak bere lehen nobela kaleratu du: ‘Bar Gloria’
Posted on 2022-09-14 by KulturSharea
Idazle eta bertsolari bizkaitarrak estreinako nobela du Bar Gloria. [...]
Metrokoadrokak ‘Zeozertan dabil baina ez dakit zertan’ antzezlana prestatzen ari da
Posted on 2022-09-12 by KulturSharea
Antzezkizuna familia ereduei buruzko sitcom poetikoa izango da eta [...]
Jose Luis Otamendi idazlea bueltan da ‘Landura’ poema liburuarekin
Posted on 2022-09-12 by KulturSharea
Landura izena du idazle azpeitiarrak gaur Susa argitaletxearen eskutik [...]
Baztandarren Biltzarra: Orgak Elizondoko karriketara atera dira berriro ere
Posted on 2022-07-18 by KulturSharea
Edizio honetan, Amaiurko gazteluaren erresistentziaren 500. [...]
Rafa Ruedak ‘Oroitz’ kanta eta bideoklipa aurkeztu ditu
Posted on 2022-07-13 by KulturSharea
Larunbatean, bideoko abeslariek eta beste zortzi lagunek osatzen duten [...]
Euskaraldiak ‘Esazu hitz bat’ izeneko abestia aurkeztu du aurtengo ediziorako
Posted on 2022-07-06 by KulturSharea
Xabier Zabalak, Aiora Renteriak, Pettik, Maddalen Arzallusek, Ainhoa [...]
Esti Markezek ‘Hitzekin jolasean’ abestia eta bideoklipa aurkeztu ditu
Posted on 2022-07-04 by KulturSharea
Aiako abeslariak bakarkako ibilbideari ekin dio eta urrian diskoa [...]
Benizzek ‘Mamuak eta izozkiak’ singlea aurkeztu du Ruper Ordorikarekin
Posted on 2022-06-21 by KulturSharea
Beñat Goitia Benizzek Mamuak eta izozkiak izenekohirugarren singlea [...]
12345

Page 1 of 45

Zabaldu: