Norberaren ekografiaren irakurketa dakar Lorelei taldeak ‘Ekografiak’ disko berrian

Posted on 2022-10-14 by KulturSharea

Aurten 25 urte bete dira taldearen lehen diskoa, Bada hiri gorri bat, argitaratu zenetik.

Hiru urte dira Lorelei taldeko kideak elkartu zirela bira bat egiteko. 2020ko itxialdiak baina, dena zapuztu zuen. Gerora, taldekide bakoitzak bere pandemia pertsonala bizi izan zuela kontatu du Asier Serrano kantari eta idazleak, Mikel Gorosabel musikariak disko bat grabatzea proposatu zion arte, taldearen hirugarrena, eta gaur aurkeztu dutena Ekografiak izenpean.

Serranok aitortu duenez, sorkuntzarekiko neke bat zuen eta disko honek eta Mikelen eskuzabaltasunak salbatu zuen. “Ikusi nuen sorkuntzak, musikagintzak, letrak, literaturak… bere dohain balsamikoa zeukatela”. Horrela hasi zen disko berria grabatzeko abentura.

Abestiek “gutaz, gu minuskulaz idatzitako gure iraganaz hitz egiten dute, baina maiuskulaz idazten den gu kolektibo baten beldurrak, minak… ere agertzen dira. Sentimendu unibertsalez ari gara, iraganetik datorren oihu bat da. Ekografiak azken finean oihartzunen irakurketa bat da eta ikusten dugu entzuleak disko honekin bere bizitzako errepasoa ere egin dezakela”, adierazi du Serranok.

Gorosabelentzat “sormena, nahiz eta beti hor azpian egon, animoak altxatzeko terapia ona izaten da, are gehiago emaitza ikusten duzunean, lehenengo kantua biribiltzen duzunean, bigarrena, hirugarrena… Lan hau forma hartzen hasten denean garbi ikusten duzu badatorrela. Uste dut oso lan atsegina izan dela, ez da batere tensoa izan, presarik gabekoa, denborak lagundu izan digu gauzak lasai egiten eta hori emaitzan ikusten da”.

Musika estiloari dagokionez, giro ezberdinak islatu nahi izan dituzte, “giro oso intimoak daude”, dio Gorosabelek, baina badira rock eta popa ere. Bere ustez, “oso disko borobila” da. Aurreko bi lanetan bezala, “azken kanta poema musikatu bat da eta ikaragarri geratu da”.

Gorosabelek disko kontzeptual bezala, lehenengo kantatik azkenengora intimitatean edo behintzat bakarrik entzuteko lan bat dela ere nabarmendu du.

Diskoaren aurkezpen bira

Hirugarren lan honek taldearen 25. urteurrenarekin bat egiten du. Aurretik Bada hiri gorri bat (1997) eta Tatuatu zenidan zerua (1999) kaleratu zituzten. Loreleiren agurretik bi hamarkada iragan diren honetan, Antxon Sarasua eta Loiola Madera musikariekin batera igoko dira antzokietako oholtzetara Gorosabel eta Serrano abendutik aurrera.

You may also like

Gasteizko gazte sortzaileen inguruko ‘Orainaldian. Laissez Faire’ dokumentala
Posted on 2020-04-10 by KulturSharea
Gasteizko gazte sortzaileen inguruko Orainaldian. Laissez Faire [...]
‘Badira hiru aste’ kantaren bertsioa Iradier Salaberri Trikitixa taldearen eskutik
Posted on 2020-04-08 by KulturSharea
Mikel Urdangarinen 'Badira hiru aste' kantaren bertsioa Iradier [...]
Postal Kolekzionistak taldeak ‘Lekuak leku’ izeneko kanta eta bideoklipa aurkeztu ditu
Posted on 2020-04-08 by KulturSharea
Postal Kolekzionistak taldeak Lekuak leku izeneko singlea aurkeztu du. [...]
Zaldibar Argitu plataformaren eskutik, ‘Zaborrezko munstroa’ izeneko kanta eta bideoklipa
Posted on 2020-04-06 by KulturSharea
Zaldibar Argitu plataformaren eskutik, Zaborrezko munstroa izeneko [...]
“Euskal Herriaren iraganaren mugarri adierazgarri batzuei buruz azalpen gehiago ematea da helburua”
Posted on 2020-04-06 by KulturSharea
Gaizka Aranguren dugu gure gaurko Kontalariak ataleko protagonista. [...]
Potx eta Lotx pailazoek ‘Etxean’ ikuskizuna sareetan estreinatu dute
Posted on 2020-04-03 by KulturSharea
Egoera honi aurre egiten laguntzeko, Potx eta Lotx pailazoek ere euren [...]
Xabi Bandinik ‘Maite Zaitugu Esan’ kantua eta bideoklipa aurkeztu ditu
Posted on 2020-04-02 by KulturSharea
Ama guztiei eskainitako kantua da Maite Zaitugu Esan: "Askotan [...]
‘Pozik eta Konforme’ kantuaren erremixa
Posted on 2020-04-01 by KulturSharea
Suaia Eta Ama Rebel taldearen ‘Pozik eta Konforme’ kantuaren erremixa [...]

Page 34 of 56

Zabaldu: