Olatz Salvadorrek ‘Ahots Hari’ kanta eta bideoklipa aurkeztu ditu

Posted on 2021-11-02 by KulturSharea

Rozalen musikaria du alboan Salvadorrek abesti honetan.

Olatz Salvador musikariak Aho Uhal (Airaka) diskoko Ahots Hari izeneko kanta eta bideoklipa aurkeztu ditu. Hitzak Alaia Martin bertsolariak idatzi zituen, 2020ko martxoan, konfinamendua oraindik zer izango ote zen jakin gabe. Salvadorrek kanta sortu, Pablo Novoa ekoizleak aberastu eta Rozalen abeslariak goraino eraman du kantu hau.

Ahots Hari hauskortasunari oihu bat da, iluntasunetik argira, esnatzera, mugitzera, sortzera garamatzan grina berreskuratzeko trantzea. Txikitasunetik hasi eta hazten doan hura, barneraino abiatzeko bidaia hori”, azaldu du Salvadorrek.

Bideoklipari dagokionez, Singrima Films Madrilgo ikus-entzunezko ekoiztetxeak sortu du eta bi musikarien irudiak basoko istorio batekin uztartzen ditu, bilaketa, zalantza, beldur eta barne indar horren isla direnak.

Salvadorrek urte hasieran kaleratu zuen Aho uhal izeneko lana Musikari donostiarrak azaldu zuenez, diskoaren sortze prozesua luzea izan zen, “diskoa bera ere luzea da eta badakit garai hauetan disko luzeak egitea ez dela egokia”, baina Salvadorrek nabarmendu zuenez, diskoaren barruan abesti bakoitzak zentzu bat dauka, “askotan abesti gehiegi izatean aukeraketa bat egitea izaten da ohikoena, baina kasu honetan bakoitzak bere espazioa betetzen zuela iruditu zait”.

Ez da erreza disko bati izena jartzea, Salvadorrek hiztegian topatu zuen gaztelaniazko rienda hitzaren baliokidea euskaraz: Aho uhal. “Paradoxikoa iruditu zitzaidan nola gaztelaniaz kontrola hartu edo zerbait gidatzeko konnotazioa daukan hitzak, euskarara itzulita, kontrolatua izatearen konnotazioa hartzen duen, gustatu zitzaidan eta abiapuntu interesgarri bat iruditu zitzaidan abestietan zehar horrekin jolasteko”.

Salvadorrek berak konposatu ditu lanak biltzen dituen abesti guztiak diskoari amaiera ematen diona izan ezik: Ivan Ferreiroren Promesas que no valen nada, Salvadorrek nerabezaroan askotan entzuten zuen kanta da eta musikari galiziarrarekin batera moldatzeko aukera izan du oraingoan.

You may also like

Arantzazuri buruzko dokumentala estreinatuko dute gaur, Hernanin
Posted on 2019-09-26 by KulturSharea
  Nabarralde Fundazioak ondu du Arantzazu, harriz herri [...]
‘Agur Etxebeste!’ filma irailaren 27an helduko da zinema aretoetara
Posted on 2019-09-23 by KulturSharea
Aupa Etxebeste! filmaren ildoa jarraitzen duen komedia da Agur [...]
‘Zergatik’, Arrano Pertxa eta Lengu iluna bikoaren kantu berria
Posted on 2019-09-17 by KulturSharea
Disko fisikoa argitaratu beharrean, abesti solteak bideoklip batekin [...]
‘Eguzki bat tatuatu’ kantua aurkeztu du Iker Martinezek
Posted on 2019-09-17 by KulturSharea
Lurralde berriak izeneko diskoa kaleratuko du Iker Martinezek (Oñati, [...]
Glaukomaren ‘Gure Kaiola’ abestiaren bertsio berria
Posted on 2019-09-12 by KulturSharea
"Bazen behin suak irentsitako estudio bat Arrasaten. Garrek [...]
Sergeren ‘Ahantzi ez nazazun’ kantuaren bideoklipa
Posted on 2019-09-11 by KulturSharea
Serge musikariak aurten argitaratutako bakarkako Enarak itzuli dira [...]
‘Eguzkitan bero’ kantuaren bideoklipa aurkeztu du Urtz taldeak
Posted on 2019-09-10 by KulturSharea
'Zabaldu ateak' diskoko Eguzkitan bero kantuaren bideoklipa aurkeztu [...]
Gaztetxo eta helduen bertso eskoletan izena emateko epea zabalik, Malerrekan
Posted on 2019-09-10 by KulturSharea
Bertsotan ikasteko guneak dira bertso-eskolak: bat-batean edo [...]
Iñigo Muguruzaren bizitzari buruzko bideo sorta
Posted on 2019-09-10 by KulturSharea
Testua eta bideoak Euskal Musika Katearen bidez. Iñigo Muguruzaren [...]
‘Harria’ diskoa eta ikuskizuna aurkeztuko du Iñaki Palacios txistulariak
Posted on 2019-09-10 by KulturSharea
Musikari gasteiztarraren bigarren proiektuak lau osagai ditu: Iñaki [...]

Page 41 of 55

Zabaldu: