Urtzi Urkizu: “Pertzepzioa da ETB urrun dagoela herriak dituen nahietatik, eta euskararen normalkuntzari begira ahalegin handia egin beharko litzateke”

Lezoko Gurutze Santuaren plazara hurbildu gara oraingoan. Bertan Urtzi Urkizu kazetaria dugu zain. Argitaratu berri duen Txoria hodei artean, ETB lehen eta gero liburuaren aurkezpen-elkarrizketan parte hartuko du Oihana Iguaranekin. Aurretik, baina, tartetxo bat egin digu liburuaz hitz egiteko.

Hamahiru atalez osatuta dago liburua. Lehen atalak ETBko lehenengo urteetako pausoak jasotzen ditu. Hala ere, liburuak ez du orden kronologiko bat jarraitzen, iazko martxotik urrira bitartean egin zituen elkarrizketak baliatu ditu gaiak lantzeko, baina tarteka hemerotekara ere jo du.

Ondorio zehatz bat ateratzea zaila dela dio kazetariak, “baina 2.030 urtera begira ETBk estrategia bat duela ikusten da. Hala ere, Pertzepzioa da ETB urrun dagoela herriak dituen nahietatik, eta euskararen normalkuntzari begira ahalegin handia egin beharko litzateke”.

Egun hauetan elkarrizketa eta hitzaldi ugari izaten ari da Urkizu. Kultur Sharearena, esaterako, hogeita hirugarrena da. Gaiak gizartean interesa piztu duenaren seinale.