Uxue Alberdik eta Araiz Mesanzak ‘Hili’ album ilustratua kaleratu dute

Posted on 2021-09-13 by KulturSharea

Heriotzaren inguruan, Alberdik izandako hainbat burutapen eta galdera, eta baita seme-alabei eta beste haur batzuei entzundakoak ere biltzen dira lan honetan.

“Adin batetik aurrera, hil egingo garela ulertzen dugu, ulertzen saiatzen gara”, horixe da proiektuaren abiapuntuko hausnarketa. Uxue Alberdi idazleak eta Araiz Mesanza ilustratzaileak aurkeztu dute lana gaur, Donostiako Udal liburutegian.

Alberdik azaldu duenez, Hili (Elkar) hiltzeari buruzko pentsamenduekin, galderekin, burutazioekin eta ilustrazioekin osatuta dagoen album ilustratu bat da. “Umetan hil egingo garela ohartzen gara momentu batetik aurrera, eta hiltzeaz pentsatzen hasten gara, hiltzea zer den ulertu nahi dugu eta beti ihes egiten digu zerbaitek. Iruditzen zait hiltzearen ideiarekin daukagun dialogo hori bizitza guztian zehar luzatzen dela, hainbat momentutan, normalean bakarka eta isilka”, adierazi du.

Album ilustratu honetan biltzen dira Alberdik izandako hainbat burutapen eta galdera eta baita seme-alabei eta beste haur batzuei entzundakoak ere. “Hiltzearen ideia inguratzen da, ezin delako zuzenean pentsatu, beraz, galde-erantzunen bitartez, elkarrizketa txikien bitartez, hitzez osatutako irudien bitartez, poematxoen bitartez, galdera sorten bitartez, naturaren ingurukoak, unibertsoaren ingurukoak… ideia horri hurbiltzen gara edo inguratzen dugu”, adierazi du.

Idazleak aspalditik zeukan galdera eta burutazio zerrenda luze bat gaika eta formaka antolatuta, “badago trama bat ez den halako bide bat” eta hori antolatzeko, galdera horien atzean dauden adin diferenteetako kontzientzia horiek islatzeko bi pertsonaia sortu ditu Mesanzarekin batera: “lehena neska bat da, oso presentzia indartsua daukana, eta aldi berean sosegu handia, jakin-mina eta inteligentzia transmititzen duena”. Bestea neskaren panpina da, “aldi berean bere ispilua dena, bere laguntzailea, bere alter egoa, batzuetan bere ordezkoa. Suposatzen da neska dela bizirik dagoena eta panpina hilik dagoena, baina batzuetan panpina bizi-bizirik dagoela dirudi eta neska, aldiz, inerte. Batzuetan elkarrizketa beraien artekoa da, beste batzuetan bakarrizketa da”.

You may also like

Beñat  Sarasola,  Iban  Zaldua,  Patxi  Larrion,  Garbine  Ubeda  eta  Juan  Luis  Zabala  elkarri  irakurriz
Posted on 2021-09-16 by KulturSharea
Beñat Sarasola, Iban Zaldua, Patxi Larrion, Garbine Ubeda eta Juan [...]
Ibil  Bedi  talde  nafarrak  Agerraldia  ekimenari  kantua  egin  dio
Posted on 2021-09-15 by KulturSharea
Ibil Bedi taldeak Agerraldia ekimenari kantua egin dio. Agerraldia [...]
Lur  Jota  taldeak  ‘20  urte  eta  gero’  kanta  eta  bideoklipa  aurkeztu  ditu
Posted on 2021-09-13 by KulturSharea
Zorrotzako taldeak irailaren 18an kaleratuko du aurreneko diskoa eta [...]
Iker  Laurobak  ‘Uda’  diskoaren  ‘Kilima  aldaketa’  kantua  aurkeztu  du
Posted on 2021-09-10 by KulturSharea
Imanol G.Gurrutxaga eta Nagore Muriel (I.G.G. Ekoizpenak) izan dira [...]
Joseba  Irazoki  eta  Lagunak  taldeak  ´Ikusezina´  kanta  eta  bideoklipa  aurkeztu  ditu
Posted on 2021-09-03 by KulturSharea
Musikari beratarrak gidatzen duen taldeak irailaren 10an argitaratuko [...]
Zelanda  taldea  sortu  dute  Fran  Uriasek  eta  Ane  eta  Iñaki  Bastida  neba-arrebek
Posted on 2021-09-03 by KulturSharea
Hirukoak Amarena aurrerapen kanta aurkeztu du. Lehen diskorako bost [...]
Anarik  Nacho  Vegasen  ‘Vinu,  cantares  y  amor’  kantaren  bertsioa  aurkeztu  du
Posted on 2021-09-01 by KulturSharea
Anari Alberdi kantariak Nacho Vegas asturiarraren Vinu, cantares y [...]
Joanes  Lopez  Zeraingoa  du  protagonista  Patri  Urkizuren  ‘Suaren  Froga’  eleberriak
Posted on 2021-07-22 by KulturSharea
Urkizuk errealitatea eta fikzioa uztartu ditu eleberria osatzeko. [...]
Itxaro  Bordak  Amaia  Ezpeldoi  detektibearen  azken  lana  aurkeztu  du
Posted on 2021-07-19 by KulturSharea
Euri zitalari esker eleberria Donibane Garazin abiatzen da. [...]
12337

Page 1 of 37

Zabaldu: