Joxean Fernandez Euskadiko Filmategiko zuzendariak idatzi du lana.
Euskal zinemaren inguruko Basque. liburuxkaren edizio berria argitaratu du Etxepare Euskal Institutuak. Euskara eta euskal kulturari eskainitako hamabi liburuetako bat da bilduma honen baitan argitaratua. Joxean Fernandez Euskadiko Filmategiko zuzendariak idatzi du Basque. Zinema liburua.
Euskal zinemaren inguruko Basque. liburuxkaren edizio berria argitaratu du Etxepare Euskal Institutuak. Euskara eta euskal kulturari eskainitako hamabi liburuetako bat da.
Joxean Fernandez Euskadiko Filmategiko zuzendariak idatzi du Basque. Zinema liburua.
Egilearen arabera, “Basque. Zinema Euskal Herriko zinemaren historia aberatsa dokumentatzen duen lan sakona da, lurraldeko lehen zinematografoaren sorreratik hasita eta euskarazko zinemaren nazioarteko arrakasta garaikideraino”. Liburuak mugarri garrantzitsuak aztertzen ditu, hala nola euskarazko lehen filma, Gure Sor Lekua, eta azken urteotako lorpenak, hala nola Handia filmak 2018an eskuratutako hamar Goya sariak.
Era berean, beste gai batzuk ere jorratzen dira, esaterako, babes publikoko politiken eragina euskal zinemagintzan, Donostiako Zinemaldia eta Euskadiko Filmategia bezalako erakundeen eragina, eta euskal zinemak hainbat garaitan izan duen bilakaera. “Lanak iraganeko lorpenak ez ezik, etorkizuneko erronkak eta aukerak ere aztertzen ditu, euskal zinemak enbaxadore kultural ahaltsu gisa eta euskara babesteko eta sustatzeko tresna gisa duen zeregina azpimarratuz”.
Etxepare Euskal Institutuak sortutako bilduma honek hamabi kultura-adierazpide bildu ditu. Guztiak kate bakarraren katebegiak dira, hizkuntza berak, lurralde komunak eta denbora-mugarri berberek zeharkatzen dituztelako.
Liburua deskargatzeko, hemen.