Antzezlanetarako sarrerak salgai daude jada.
Bilboko BBK aretoak Antzerkiaren Munduko Eguna (martxoak 27) ospatu nahi izan du aurten, oroimena eta haren galera gai nagusi hartuta. Efemeridea astelehenean izango denez, lehen hitzordua egun batzuk lehenago izango da, hilaren 24an, ostirala, Agurra antzezlanarekin. Ondoren, nazioarteko ospakizunaren aste berean, baina larunbatean (apirilak 1), Titzina Teatro kataluniar konpainiaren Búho izeneko antzezlana taularako da.
Agurra Gipuzkoako Vidania konpainia gaztearen lehen antzezlana da, orain arte ikus-entzunezkoen ekoizpenean zentratu baita. Kasu honetan, euskal beteranoen talentu sendoaz inguratu dira, hala nola Agurtzane Intxaurraga, zuzendaritzan, edo Kandido Uranga aktorea, protagonistakide gisa. Azken honekin batera, Iñigo Gastesi gaztea ageri da, antzezlea, konpainiaren arduraduna eta antzezlanaren sustatzailea da azken hau. Gidoia Nina Mitrovic Kroaziako antzerkigilearena da eta hainbat herrialdetan taularatu da. Orain lehen aldiz iritsiko da Euskal Herrira euskarazko bertsio honetan. Agurra antzezlanak bi gizon bakartiren arteko topaketa kontatzen du: aita, zahartzaroko gaixotasun bat diagnostikatu berri diote, eta seme baten artekoa. Esaldi labur eta zuzenen elkarrizketa gisa planteatuta, Agurra estetika ez-errealista batekin abiatzen da, boxeo-borroka baten antzekoa, eta semea iraganarekin kontuak egiteko prest iristen da aitak oroimena galdu baino lehen.
Titzinaren Búho antzezlanari dagokionez, amnesia pairatzen duten pertsonen bizipenei buruz hitz egiten du.
Antzezlanetarako sarrerak salgai daude jada.