Eskoriatzan izango da lehen saioa ostegunean. Saioetako sarrerak bertsosarrerak.eus atarian jarri dituzte salgai.
Gipuzkoa Bertsotaneko lehen bi jardunaldiak izango dira aste honetan. Eskoriatzan hasiko du bidea sailkapen faseak: saio bakarra izango da apirilaren 25ean. Hurrengo egunean bi saio gehiago izango dira: Zestoan eta Gabirian. Zestoako saioan, dagoeneko, sarrera guztiak saldu dira.
Udaberriko fasea bi multzotan jokatuko da: saioak A eta B multzotan banatuko dira. Eskoriatzako saioa, A multzokoa, izango da zortzi bertsolariz osatutako bakarra. Bertsolari hauek ariko dira kantuan: Andoitz Urdapilleta Gurrutxaga, Antton Fernandez Lasa, Asier Ibarguren Amondarain, Emaitz Murua Arzallus, Joar Garate Rueda, Jon Mata Etxaniz, Libe Goenaga Arrieta eta Peru Aiartza Cajaraville. Gai-jartzaile lanetan, ostera, Iker Iriarte Iribar ariko da.
Apirilaren 26ko saioetan, ostera hauek ariko dira bertsotan: A multzoan, Zestoan: Amets Aizpurua Mancisidor, Eneko Araiztegi Agirre, Eneko Beretxinaga Laskurain, Haizea Arana Cardenal, Julen Zulaika Alkorta eta Oihana Arana Cardenal. Gai-jartzailea Haritz Alberdi Alberdi izango da.
B multzoan, Gabirian: Aitor Tatiegi Loidi, Aitor Zubikarai Salegi, Andoni Mujika Izagirre, Maider Arregi Markuleta, Urko Egaña Calderon eta Uxue Fernandez Lasa. Gai-jartzailea Irati Sanchez de Arevalo Pikasarri izango da.
Epaile lanetan, ostera, hauek ariko dira Eskoriatzan eta Zestoan: Estitxu Agirre Agirre, Ion Martinez Ugarteburu, Mikel Urteaga Azkue eta Oihana Aranguren Etxaniz. Gabiriako saioan, berrz, epaile hauek egongo dira: Leire Beloki Lizarralde, Maite Sukia Olano, Mikel Lersundi Ayestaran eta Unai Muniain Caballero.
Saioetako sarrerak bertsosarrerak.eus atarian daude salgai.