Eskultura eta instalazio erakusketa hau azaroaren 20ra arte egongo da ikusgai Urazurrutia aretoan.
Irati Urrestarazuren (Altsasu, 1989) Albo batera utziz erakusketa paratu dute BilboArten. Artista altsasuarra 2019an izan zen zentro honetako bekaduna eta beste zazpi artisten lanekin batera aukeratu zuten bere obra Urazurrutia aretoan bakarka erakusteko.
Albo batera utziz obrak azken hilabeteetan erakusketa honetarako landu den moduari egiten dio erreferentzia. Artistak azaldu duenez, “erretxina tolestean tentsio horiek bilatzen nituen, non, dirudienez, hautsi egingo den, baina erabat behartu gabe”; puntu horretan, alde batera uzten zituen, beren forma modu naturalean har zezaten. Urrestarazuk bere buruari eusteko gai diren eskulturak egiteko euskarriak eta egiturak baztertu ditu horrela: “Nik nahi nuenaren eta piezek nahi zutenaren arteko artikulazioa”.
Erakusketa honetan, Altsasuko artistak testurak eta gardenkiak azpimarratzen ditu. Obra olana hori handi batek bitan banatzen du gela, baita piezen artean iradokitzen diren harreman sentigarri eta materikoak ere. Olana, aretoa moztu eta alde bakoitzeko piezen ikuspegia baldintzatzen duen ardatz gisa, erretxina gardenezko piezak eusten ditu. Pieza eskultorikoen multzoak, nagusiki poliesterrezko erretxinekin eta akrilikoekin landuak, hormetan edo zoru mailan bermatuta daude.
Kolore nagusi bakarra erabiltzea da Urrestarazuren lanaren ohiko ezaugarrietako bat, sortzeko gai den tentsio eta konexioengatik. Tonu argiak eta hori distiratsu bat dira protagonista pieza gisa eratzen den erakusketa sotil honetan.
Albo batera utziz erakusketa eta harekin batera doan katalogoa gauzatzean, artistak Javier Arbizu (muntaketan eta katalogoan) eta Oihane Iraguen (testuan) estudio-kideen papera nabarmentzen du. Sotiltasuna da artistak gehien nabarmentzen duen ezaugarria instalazioa bisitatzerakoan eta katalogoa irakurtzeko orduan; izan ere, funtsezko tresna da obraz gozatzeko, honetan erakusketa nola ikusten duen irakurlearekin partekatzen saiatzen bait da Urrestarazu.
Irati Urrestarazu Okela Sormen Lantegiaren sortzailea da, eta erakusketen komisarioa izan da 2014tik gaur arte. 2013tik hainbat erakusketa kolektibotan parte hartu du eta banakako bat egin du Rekalde aretoko Kabinete Abstraktuan (2019). Bizkaiko Aldundiaren Ekoizpen Beka (2017-2018), Eusko Jaurlaritzaren Sormen modalitateko diru-laguntza (2019) eta Nafarroako Gobernuaren ekoizpenerako diru-laguntza (2020) jaso ditu. Nafarroako Encuentros Artista Gazteen lehen saria ere jaso zuen.
Albo batera utziz erakusketa astelehenetik ostiralera egongo da ikusgai, arratsaldetan, azaroaren 20ra arte.