Hautagaitzak aurkezteko azken eguna ekainaren 12an izango da.
Hamaseigarren aldiz, Euskal Kultur Erakundeak, CPIE Euskal Itsasbazterreko zentroak eta Euskal Idazleen Elkarteak Nekatoenea baserrian egonaldi bat antolatuko dute Euskal Herriko idazleentzat. Pasa den urtean Abbadiako eremuan egonaldia egiteko Amaia Carrere hautatu zuten.
Horrez gain, bigarren hilabete bateko egonaldia eskainiko dute Pasai Donibaneko Hugoenean. Egonaldi hau euskal egile guztiei zuzenduta dago. Hautagaitzak aurkezteko azken eguna ekainaren 12an izango da.
Lau ardatz ditu egitasmoak: Euskarazko literatura sorkuntza, Euskal Herriko ondare naturala edota kulturala testuinguru gisa hartuta. Literatura formaren hautua libre uzten da (ipuina, eleberri laburra, poesia, komikia, antzerkia, bertsoa, alegia, erran zaharra, kantua…); topaketa bat publikoarekin egonaldi denboran, Hendaian, idazleak bere ibilbidea eta gogoeta aurkez ditzan; aurkezpen publiko bat egonaldiaren ondotik, Pasai Donibanen, idazleak bere sorkuntza aurkez dezan; eta idatzitako lanaren balorazio posible bat.
Deialdia euskaraz idazten duten egile guztiei zuzenduta dago. Literatura formaren hautua librea izango da (ipuina, eleberri laburra, poesia, komikia, antzerkia, bertsoa, alegia, erran zaharra, kantua…). Haur eta gazteei zuzendutako proposamenak baloratuko dira.
2026ko irailean eta urriaren eta abenduaren artean, hilabete batez Abbadia Eremuko Nekatoenea etxean eta beste hilabete batez Pasai Donibaneko auzoaren erdi-erdian kokatua dagoen Hugoenea etxean apartamentu bat beretako izateaz gain, egileak 3.000 euroko diru-laguntza jasoko du.