Hemeretzi trikitilarik osatzen dute Oñatiko aurtengo Trikiti Jaialdiko kartela.
Urriaren 26an egingo dute Oñatiko XI Trikiti Jaialdia Santa Ana aretoan, arratsaldeko 17:30ean eta ondoren, afari herrikoia antolatu dute Pago Uso elkartean.
Denetara hemeretzi trikitalirik hartuko dute parte aurtengo jaialdian, bikoteka, bakarka edo taldeka.
Lizargarate Trikitizale Elkartea hasi zen jaialdia antolatzen 2009an. Oñatin trikiti jaialdia egitea eta bertan trikitilari zaharrak, baina oraindik trikiti munduan dabiltzanak eta bertan gogor jarraitzen dutenak omentzeko sortu zuten ekimena.
Aurtengo jaialdirako zein afarirako txartelak salgai jarri dituzte Bizipozan.