Agustin Arrietak lau gazteren arteko elkarrizketa dakar ‘Gaueko eztabaidak’ liburuan

Posted on 2022-03-30 by KulturSharea

Hiru gautan banatu du egileak elkarrizketa hau: Lehenak zientziaz, erlijioaz eta egiaz dihardu; Bigarren gauak arteaz, generoaz, maitasunaz eta balioez; eta Hirugarrenak zoriontasunaz. Liburuak benetako elkarrizketaren eta eztabaidaren aldarrikapena izan nahi duela nabarmendu du egileak.

Gauez gertatzen den lau gazteren arteko elkarrizketa bat da Agustin Arrieta (Errenteria, 1962) idazle eta filosofiako irakasleak Donostian aurkeztu duen Gaueko eztabaidak (Erein) liburuaren bereizgarririk nagusiena. “Elkarrizketa horretan zenbait auziren edo gairen gaineko  eztabaidak bideratzen dira”, azaldu du egileak.

Hiru gautan banatu du Arrietak elkarrizketa: lehenak zientziaz, erlijioaz eta egiaz dihardu; bigarren gauak arteaz, generoaz, maitasunaz eta balioez; eta hirugarrenak zoriontasunaz. “Horiek guztiek aukera ematen dute galdera filosofiko zorrotzak egiteko”, adierazi du aurkezpenean Irati Zubia filosofian doktoregaiak.

Zubiak liburu hau ez dela filosofiarako sarrera bat azpimarratu du, baina balio du filosofian arreta izan duten gai eta auziak lantzeko. “Liburu honekin topo egiten duenak ez du filosofiarako sarrera bat topatuko du, baina topatuko du filosofia. Topatuko ditu lau ezezagun, eztabaidatzen, iritziak trukatzen, elkarri galdetzen, tarteka txantxak egiten, pixkanaka elkarren lagun egiten, elkarrekin talka egiten, puntu komunetara iristen, aldentzen… Eta liburuak berak, kontatzeko moduak, lagunduko dio akaso, galdera eta eztabaida horietara gerturatu nahi duenari. Eta irudimen ariketa batekin, nork bere burua imajina dezake galdetzen taberna horietakoren batean balego, gin tonic batekin edo katilu bat kaferekin, zer esango lukeen arteaz, egiaz, moralaz, zoriontasunaz eta beste hainbat kontuz”.

Liburuak benetako elkarrizketaren eta eztabaidaren aldarrikapena izan nahi duela nabarmendu du idazleak. “Helburua ez da nork bere kokagunean gotortzea, baizik eta argudioen bidez auziei aurre egitea. Hala, elkarrizketa, esan dezagun, ‘enpatikoa’ gertatzen da. Horrelako elkarrizketen eta eztabaiden premia dauka gure gizarteak”.

Arrietaren hitzetan, liburua egokia da gai edo auzi horiek gustuko dituen edonorentzat. “Gustatuko litzaidake liburua tresna bat izatea Bigarren Hezkuntzan eta Unibertsitatean. Hezkuntzan, argudioen bidezko eztabaidak bultzatu behar dira, norberak berea defendatzeko eta besteena entzuteko aukera ematen dutenak”.

Azkenik, idazleak irakurleak eztabaidetan eta elkarrizketetan parte hartzea, liburuan proposatzen diren arrazoiak balioestea eta liburuko protagonistekiko adostasunak eta desadostasunak agerian uztea nahiko lukeela adierazi du.

You may also like

Ruper Ordorikaren ´Joan soseguz´ aurrerapen kantua entzungai
Posted on 2018-11-06 by KulturSharea
Bakarka izeneko diskoa kaleratuko du egun batzuk barru Ruper Ordorikak [...]
´Zanbuia´ antzezlana osorik ikusgai
Posted on 2018-11-05 by KulturSharea
(Argazkia: Ikorkotx) Metrokoadroka Sormen Laborategiak Eako Poesia [...]
El Diluviren ´I tu, sols tu´ abestiaren euskarazko bertsioa egin du Huntza taldeak
Posted on 2018-10-31 by KulturSharea
El Diluviren I tu, sols tu abesti ezagunaren euskarazko bertsioa [...]
Nafarroa osoan euskara ofiziala izan dadin aldarrikatzeko mobilizazioa egingo dute Iruñean
Posted on 2018-10-23 by KulturSharea
Behingoz lelopean, mobilizaziorako deia egin du Kontseiluak datorren [...]
Palestina, Kornualles, Katalunia eta Euskal Herriako taldeak Musika Bizian jaialdian
Posted on 2018-10-22 by KulturSharea
Estaturik gabeko herrialdeen jaialdi bakarra da Galdakaoko Musika [...]
Euskaraldiaren bideoklipa “Hartu kontrola, aukeratu rola”
Posted on 2018-10-22 by KulturSharea
Egileak: Basu, Las Tea Party, Ines Osinaga eta Maialen Arzallus. [...]
Ikasgelan bertsolaritza lantzeko ´bertsoikasgela´ ataria martxan
Posted on 2018-10-19 by KulturSharea
Bideoa: Bertsozale Elkartea Ikastetxeetako bertsolaritza eskoletarako [...]
Eskean Kristören ‘Zaldiak negarrez’ aurkezpen kantua entzungai
Posted on 2018-10-17 by KulturSharea
Eskean Kristök azaroaren 9an aurkeztuko du Beste belaze batzuen [...]
Ximun Fuchs antzerkigilea Axut kolektiboari buruz
Posted on 2018-10-14 by KulturSharea
Ximun eta Manex Fuchs anaiek euskarazko arte eszenikoak bultzatzeko [...]

Page 43 of 44

Zabaldu: