Anarik Nacho Vegasen ‘Vinu, cantares y amor’ kantaren bertsioa aurkeztu du

Anari Alberdi kantariak Nacho Vegas asturiarraren Vinu, cantares y amor kantuaren bertsioa egin du, euskaraz.

Bideoklipa Zarauzko Putzuzulo gaztetxean grabatu dute, “amets fabrikaren eraiste neurtuaren bezperetan”. Alberdik berak eta Iker Treviñok zuzendu dute bideoa eta Maite Arroitajauregi Mursegok, Eider Rodriguezek, Maialen Lujanbiok eta Kattalin Minerrek hartu dute parte, besteak beste.