Asel Luzarragak ‘Malthusen ezinegona’ izeneko eleberri distopikoa aurkeztu du

Posted on 2021-06-03 by KulturSharea

Idazleak adinaz, denboraren kudeaketaz, bizitzaren helburuaz, gizon eta emakumeei buruz edota gustuko artelanei buruz gogoeta egiten du lan berrian.

Hilabete batzuk dira Asel Luzarraga idazleak (Bilbo, 1971) Bahiketa eleberria kaleratu zuela eta dagoeneko bueltan da, oraingoan, Malthusen ezinegona (Elkar) izeneko nobela distopikoarekin. Genero honetako hirugarren lana du idazleak eta ezustean iritsi dela dio, “erasoan ia”.

2018an kaleratu zuen bere azken eleberri distopikoa Bioklik izenburupean. Une horretantxe genero horretako liburu gehiagorik ez idaztea erabaki zuen idazleak. Beste proiektu batzuk zituen esku artean, besteak beste, 2019an argitaratutako Inoren munduan eta Bahiketa (2020). Une horretan, “zerbait ari nintzen telebistan ikusten, ez dut gogoratzen zer, buruak hegaldi librean alde egin zidanean. Leherketa baten modukoa izan zen: Malthus etorri zitzaidan burura, ezerezetik sortutako pertsonaia, eta haren atzetik bera inguratzen zuen mundua”. Luzarraga ordenagailura jo zuen, ezinbestean, eta bere garunean isiltzen ez zen ahotsari irteten utzi ziola kontatu du. “Lehen apunteak izan ziren haiek, lehen zirriborroa, eta berehala sortu zen Judithen eta Malthusen arteko ispilu jokoa. Judithen hasierako eszena ere arrapaladan sortu zitzaidan. Idazteko estiloan pertsonaiak eskatzen zidan indarra sumatzen nuen, etorrian, erraz, berez”. Hala, hurrengo lau hilabetetan obsesionatuta idatzi zuen, “sukar batek jota bezala”, eleberria amaitu arte.

Lan berriarekin 2222. urtera egingo dugu bidaia, itxuraz etorkizun utopiko batera. Hala ere, gizarte horren arrakaletan ikusiko denez, gizarte horrek gehiago du distopikotik utopikotik baino. Mundu osoan milioi bat pertsona bizi dira, luxu eta ondasun guztiak eskura, inguruan beren zerbitzurako hainbat robot-gizaki dituztela, ez lanik, ez gaixotasunik, ez ardurarik gabe. Dena da lasaia eta gozagarria, izatez, baina badira lasai egon ezin direnak ere: horien artean dago Malthus, bizitza eroso horrekin deseroso, barruan borborka sumatzen duen botere-nahia nola ase ez dakiela. “Malthus bere garaiko rara avis bat da”, dio Luzarragak eta gizarte hori aldatzeko plan bat jarriko duela martxan gaineratu du.

Istorioa egun bakar batean gertatzen da, baina atzera saltoak eginez, azken 20 urtetako pasarteak kontatzen dira. Gertaera horiekin batera, Luzarragak hainbat gogoeta egiteko aprobetxatu du, adinaz, denboraren kudeaketaz, bizitzaren helburuaz, gizon eta emakumeei buruz, eta gustuko artelanei buruz, besteak beste.

You may also like

Nazioartean bertsolaritza zer den erakusteko dokumentala sortu dute
Posted on 2018-12-05 by KulturSharea
What is bertsolaritza? (Zer da bertsolaritza?) galdera honi erantzunez [...]
‘Käffka’ antzezlana urtarrilaren 27an estreinatuko da
Posted on 2018-11-30 by KulturSharea
'Käffka' antzezlana urtarrilaren 27an estreinatuko da Bilboko Pabellon [...]
Mad Muasel, Fermin Muguruza eta La Furia, ‘Klika KORRIKA 2019’ abestiaren erritmora
Posted on 2018-11-29 by KulturSharea
Gaur aurkeztu dute 21. Korrikaren abestia Bilbon: Klika Korrika 2019 [...]
Diskorik “elektronikoena” argitaratu du Esne Beltza taldeak
Posted on 2018-11-29 by KulturSharea
Ni izeneko zazpigarren lana aurkeztu du gaur Esne Beltza taldeak. [...]
Folka oinarritzat hartuta, ´Gaur´ diskoa kaleratu du Ertzak taldeak
Posted on 2018-11-27 by KulturSharea
Ertzak Hirukoaren lehenengo diskoa da gaur hedabideen aurrean aurkeztu [...]
Txapelpunken ´Zortziak´, 20. urteurreneko bideoklipa
Posted on 2018-11-26 by KulturSharea
Txapelpunk taldeak Zorionak nire partez niretzako izeneko diskoa [...]
´100 alargunen dantza´:  Bermeoko galernaren historia
Posted on 2018-11-22 by KulturSharea
´100 alargunen dantza´ Thierry Biscaryk argitaratutako ‘Manex eta [...]
‘Raggamuffin Kamarada’, Suaia eta Ama Rebel taldearen aurkezpen kantua
Posted on 2018-11-22 by KulturSharea
(Argazkia: Taupaka elkartea) Suaia eta Ama Rebel taldeak hilaren 27an [...]
‘Roman eta Julieta’ antzezlanaren estreinaldia izango da bihar Azpeitian
Posted on 2018-11-16 by KulturSharea
  Borobil antzerki taldearen azken lana bihar, gaueko 21:30ean, [...]

Page 41 of 43

Zabaldu: