Euria egin arren, orgen festak Elizondoko kaleak alaitu zituen atzo eta jai giroa izan zen nagusi

Posted on 2024-07-23 by KulturSharea

Aurtengoan, Gartzaingo karrozak irabazi du lehen saria, Ameriketara joandako artzainei egindako omenaldiarekin. Zigakoak, berriz, bigarrena eskuratu du zapatak egiteko prozesuarekin, eta hirugarrena Iruritarentzat izan da teilak egiteko prozesua erakusteagatik.

Euriak euri, atzo Elizondon egin zuten Baztandarren Biltzarrak meteorologiaren gainetik dagoela erakutsi zuen. Jende andanaren aurrean, Baztan bailara osatzen duten hamabost herrietako orgak xehetasun osoz apainduta, kalera irten ziren herritarrek dituzten kezkak eta aldarrikapenak lau haizetara zabaltzeko. Herri bakoitzeko xoko eta herritarren izana eta izena azaltzeko ere erabiltzen dira karroza hauek.

Goizeko 11:00etan abiatu zen desfilea eta amaitzean, Elizondoko Merkatu plazan zain zuten bazkaria herritarrek. Baztandarren biltzarrak bertako nekazari eta abeltzainek ekoitzitako produktuen aldeko apustua egiten jarraitu zuen atzokoan ere.

Ondoren, ezagutzera ematen dituzte hiru orga irabazleak. Hala, onenak zeintzuk diren erabakitzeko, epaimahaiak irizpide batzuk hartzen ditu kontuan: originaltasuna, euskararen erabilera, genero-ikuspegia, jantziak eta antzerkia, besteak beste.

Aurtengoan, beraz, Gartzaingo karrozak irabazi du lehen saria, Ameriketara joandako artzainei egindako omenaldiarekin. Zigakoak bigarrena eskuratu du zapatak egiteko prozesuarekin eta, hirugarrena Iruritarentzat izan da teilak egiteko prozesuarekin.

You may also like

Ensemble 0 taldeak ‘Pozgarria da’ kanta eta bideoklipa aukeztu ditu
Posted on 2021-11-09 by KulturSharea
Ensemble 0 taldearekin musika garaikideak beste zentzu bat hartzen du. [...]
Olatz Salvadorrek ‘Ahots Hari’ kanta eta bideoklipa aurkeztu ditu
Posted on 2021-11-02 by KulturSharea
Rozalen musikaria du alboan Salvadorrek abesti honetan. Olatz Salvador [...]
Gozategi taldearen ‘Nirekin’ kantuaren bertsioa egin du Jon Maiak
Posted on 2021-10-21 by KulturSharea
Jon Maiak Kantu bat gara izeneko disko-liburua argitaratuko du [...]
Zea Mays taldeak ‘Kemena’ abestia eta bideoklipa aurkeztu ditu
Posted on 2021-09-24 by KulturSharea
Izen bereko EP-a kaleratu du talde bilborratak, 'Inondik Inora' [...]
Nøgen taldeak kontzertu berezia eskainiko du urriaren 1ean, Bilbon
Posted on 2021-09-23 by KulturSharea
Urriaren 1ean Nøgen taldeak kontzertu berezi bat eskainiko du Bilbao [...]

Page 22 of 60

Zabaldu: