Jose Luis Otamendi idazlea bueltan da ‘Landura’ poema liburuarekin

Posted on 2022-09-12 by KulturSharea

Landura izena du idazle azpeitiarrak gaur Susa argitaletxearen eskutik Donostiako Pandora tabernan aurkeztu duen poema liburua.

Hiru urte pasatxoren ostean, Jose Luis Otamendi idazlea (Azpeitia, 1959) bueltan da Landura izeneko poema liburuarekin. Egilearen ustez, “liburuak batasuna du, baldin eta batasuntzat hartu baliteke nik azken urte hauetan bizi izan ditudan kezka nagusienetako batzuk, eta hor biltzen direlako behintzat”.

Lanak jasotzen dituen testu asko itxialdi garaian idatzitakoak direla dio egileak eta giro horrek pisu bat duela aitortu du, “pandemia eta bestelako gatazka arriskuak direla, aldi baten amaieran ez ote garen nabarmen xamar ikusten dut. Beldurra eta autoritarismoa gora datozen eta krisi ekonomikoa gogor jotzen ari den momentu honetan, gure oskolean sartzen ari garela azpimarratu nahi izan dut. Gure barruan bilduta klaustrofobia moduko bat sentitzen dugu, atera behar bat, baina bestetik agorafobia pixka bat ere badugu, beldurra ematen duelako ateratzeak, jakinik irtenbidea inon egotekotan hortik behar duela, elkartasunean eta hainbat borrokari eusten. Zanpatzen gaituzten hainbat sumisiori galdera ikur larriak jartzetik abiatu beharko genukeela ikusten dut”. Hori guztia poesiaren bidez adierazi nahi izan du Otamendik.

Idazleak azaldu duenez, “txatalka ageri dira narrazioak, deskribapenak, iritziak, pentsamenduak, gogoetak… eta horiek guztiek osatzen dute poema bakoitza”. Hala ere, Otamendi saiatu da poemei musikaltasun bat bilatzen eta horretan doa bere borroka, “garai honetako lekukotasun bat eman nahi dut neure jardun xume honetatik”.

You may also like

Patxi Zubizarretak eta Jokin Mitxelenak ‘Munduketariak’ liburua ondu dute
Posted on 2024-03-21 by KulturSharea
Gaztetxoentzako liburu honetan hegazkin baten irudia gelako lurrean [...]
La Furiak eta ØDEIk ‘Erro’ kanta eta bideoklipa kaleratu dute
Posted on 2024-03-15 by KulturSharea
La Furiak rap erritmoan ehuntzen du bere errealitatea, eta “pedigri [...]
Guda Dantza taldeak ‘Zenbat aldatu den dena’ abestia eta bideoklipa plazaratu ditu
Posted on 2024-03-12 by KulturSharea
Guda Dantza taldeko kideek kostunbrismo ariketa bat egin dute ”zenbat [...]
Geuretik Sortuak egitasmoarekin sortutako ‘Hona bostekoa!’ komiki bilduma kalean da
Posted on 2023-12-14 by KulturSharea
Iñaki Martiarena, Unai Gaztelumendi, Eñaut Aiartzaguena, Aritz Ibarra [...]
12355

Page 1 of 55

Zabaldu: