Ekaitz Sirvent itzultzaileak Antonio Gramsciren ‘Kartzelako gutunak’ liburua euskaratu du

Posted on 2021-12-16 by KulturSharea

Katakrak argitaletxearen eskutik ikusi du argia liburuak. Lanak hamaika urtetako kartzelaldi luze baten alde guztiak jasotzen ditu.

Ekaitz Sirvent itzultzaileak Antonio Gramsci pentsalari eta politikari italiarrak idatzitako Kartzelako gutunak izeneko liburua ekarri du euskarara, Katakrak argitaletxearen eskutik. Hedoi Etxarte argitaletxeko kidea izan da gaur Donostian egindako aurkezpenean, eta bertan azaldu duenez, “erronka handi bat” izan da liburua argitaratzea. Alde batetik, Sirventek kartzelatik itzuli duelako liburua, “ez genekien liburu hau lantzeko harremana nolakoa izango zen, gure lehenengo esperientzia izan da kartzelan dagoen norbaitekin lan egitea”.

Bestetik, Josu Zabaleta itzultzailearen lana azpimarratu nahi izan du Etxartek, izan ere, “kartzelan itzulitako liburu bat da eta kartzelatik idatzitako gutunak dira hauek, baina bere ontze bidean eta guk argitaletxe gisa egin dugun lanaren aurretik, Zabaletak egin du lehenengo zuzenketa eta guri eskura jarri dizkigu baliabide teknologikoak”.

Kartzelako gutunak Iruñeko argitaletxeak inoiz kaleratu duen libururik luzeena dela dio Etxartek eta hori ere erronka bat izan dela nabarmendu du. “Liburuak islatzen du nola kanpoko jendea oso kezkatuta dagoen Antonio Gramsciren osasunarekin. Bestetik, bera nola dagoen kezkatuta politikarekin, iraultzarekin…”. Horretaz gain, bere semeen hezkuntzarekin eta bere bikote harremanarekin ere kezkatuta azaltzen da gutunetan. “Hemen ikusiko ditugunak dira hamaika urtetako kartzelaldi luze baten alde guztiak: bere kezkak literaturarekin, naturarekin…”.

Sirventek liburuan azaltzen duen bezala, “hemen aurkezten ditugun gutunak, 1947an argitaratutako lehen bildumari dagozkionak, Gramsciren pentsamenduaren ezagutza osoago bat zabaldu baino lehenagokoak dira. Urte haietako irakurleek Gramsciz zuten irudia heroi batena zen, faxismoaren kontrako borrokaren martiri batena; haren irudia Europako herrialde askotan justiziaren eta askatasunaren aldeko borrokan bizitza eman zuten gizon-emakumeen ibilbide tragikoa marraztu nahi zuten testigantzen eta gutunen argitalpen askotarikoen barnean kokatzen da. Zentzu horretan, kartzelako gutunak ibilbide gizatiar baten lekukotza dira eta nahi gabeko autobiografia gisa funtzionatzen dute, neurri batean”.

You may also like

El Diluviren ´I tu, sols tu´ abestiaren euskarazko bertsioa egin du Huntza taldeak
Posted on 2018-10-31 by KulturSharea
El Diluviren I tu, sols tu abesti ezagunaren euskarazko bertsioa [...]
Nafarroa osoan euskara ofiziala izan dadin aldarrikatzeko mobilizazioa egingo dute Iruñean
Posted on 2018-10-23 by KulturSharea
Behingoz lelopean, mobilizaziorako deia egin du Kontseiluak datorren [...]
Palestina, Kornualles, Katalunia eta Euskal Herriako taldeak Musika Bizian jaialdian
Posted on 2018-10-22 by KulturSharea
Estaturik gabeko herrialdeen jaialdi bakarra da Galdakaoko Musika [...]
Euskaraldiaren bideoklipa “Hartu kontrola, aukeratu rola”
Posted on 2018-10-22 by KulturSharea
Egileak: Basu, Las Tea Party, Ines Osinaga eta Maialen Arzallus. [...]
Ikasgelan bertsolaritza lantzeko ´bertsoikasgela´ ataria martxan
Posted on 2018-10-19 by KulturSharea
Bideoa: Bertsozale Elkartea Ikastetxeetako bertsolaritza eskoletarako [...]
Eskean Kristören ‘Zaldiak negarrez’ aurkezpen kantua entzungai
Posted on 2018-10-17 by KulturSharea
Eskean Kristök azaroaren 9an aurkeztuko du Beste belaze batzuen [...]
Ximun Fuchs antzerkigilea Axut kolektiboari buruz
Posted on 2018-10-14 by KulturSharea
Ximun eta Manex Fuchs anaiek euskarazko arte eszenikoak bultzatzeko [...]
Gijongo FICX zinema jaialdian estreinatuko du Iratxe Fresnedak ´Lurralde Hotzak´ dokumentala
Posted on 2018-10-11 by KulturSharea
Datorren Azaroaren 16tik 24ra Gijonen izango den Zinema Jaialdian [...]
Josu Goikoetxearen ´Zer luzea negu hau´ liburua kalean
Posted on 2018-10-11 by KulturSharea
Neguko hotza, euria, ekaitza… dakar Josu Goikoetxea idazleak Zer luzea [...]

Page 44 of 45

Zabaldu: