Emakumeen indarra islatzen duen diskoa kaleratu du Amak taldeak

Posted on 2021-06-03 by KulturSharea

Zortzi kantuz osatuta, eserita entzuteko lana ondu du laukote gipuzkoarrak.

Alaitz Telletxeak, Maixa Lizarribarrek, Amaia Orejak eta Kristina Solanok ezustean sortu zuten Amak izeneko taldea, beraiek bilatu gabeko zerbait izan zela diote. Izan ere, 2018an Oñatiko Trikitixa jaialdian parte hartzeko deitu zituzten lau musikariak. Hauek proposamena onartu eta lau bat kantu prestatu zituzten saio horretan jotzeko. Ordutik hona, han eta hemen eskaini dituzte emanaldiak. Iaz, esaterako, hogei bat kontzertu eman zituzten. Emanaldi horietan, “gure kanten bertsioak edota euskal kantagintzako gure gustuko kantak hartu, horiek moldatu eta zuzenean ematen genituen”, azaldu du Telletxeak.

Baga Biga diskoetxetik disko bat sortzeko proposamena heldu zitzaien ondoren, eta taldeak bere kanta propioak grabatu eta plazaratzeko aukera ikusi zuen, “hasieran ez genuen diskoetan pentsatzen, baina azkenean sartu eta gustura geratu gara”, aitortu dute.

Taldeak gaur egin du lehen diskoaren aurkezpena Donostiako Koldo Mitxelena Kulturenean, eta “oso disko melodikoa dela aipatu dute. “Kantu guztiak ez dira dantzagarriak”, azpimarratu du Lizarribarrek, “beti erlazionatzen da trikitia dantzarekin, festarekin, txirrindulari lasterketarekin eta azokarekin, eta ez da horrela, trikitia lasai-lasai eserita entzun daitekeen musika ere bada”. Diskoan, beraz, trikitixa dantzagarria, kalejirak eta arin-arinak izateaz gain, baladak, vals-a, eta pausatuago entzuteko doinuak ere badira.

Hitzei dagokienez, Karmele Jaiorenak dira Zure izena eta Bai ama kantak eta Onintza Enbeitarenak Atsolorra eta Amorra zaitez. “Emakume garen aldetik, emakumearen indarra eman nahi izan diogu diskoari”.

Diskoa Xabi Solanok ekoiztu du Hernanin, eta Jaio eta Enbeitaz gain, hainbat kolaborazio izan dituzte lana ontzerako orduan: Arkaitz Miner (mandolina, gitarra akustikoa, biola, tiplea eta bibolina), Txus Aranburu (teklatuak), Zigor Dz (samplerra) eta Arkaitz Bastarrika (baxua).

Diskoaren aurkezpen kontzertua bihar izango da Bergarako Seminarixuan eta datozen asteetan, Errezilen, Aian, Arrasaten, Orion edota Zumarragan, besteak beste, eskainiko dituzte kontzertuak. Webgunean jarri dituzte data guztiak ikusgai.

You may also like

Engelsen ‘Etxebizitzaren auzia’ liburua euskaratu du Ane Garciak Katakrak argitaletxearen eskutik
Posted on 2023-10-25 by KulturSharea
Kapitalismoan etxebizitza ulertzeko eta jabetza pribatuan [...]
Gorka Suaiak laster argitaratuko duen diskoaren bigarren aurrerapen karta kaleratu du
Posted on 2023-10-18 by KulturSharea
Ez dut abesteko beharrik du izena kantak eta Kostako Beatsek ekoitzi [...]
Gasteizko herri mugimenduko kolektiboen urtebetetzerako kantua sortu du Micek ‘Ehundu Gasteiz’ izenpean
Posted on 2023-10-16 by KulturSharea
Hala Bedi, Gasteizko Gaztetxea, Auzolana Pilotalekua, Errekaleor [...]
Goiatz Labandibar idazle oiartzuarrak ‘Bekatua’ eleberria plazaratu du
Posted on 2023-10-10 by KulturSharea
Garazi du protagonista bakarra eleberri honek, 36 urteko neska bat da, [...]
Ane Labaka idazle eta bertsolariak ‘Barraskiloek baino bat gehiago’ eleberria kaleratu du
Posted on 2023-10-06 by KulturSharea
Nobela honetako protagonista Sara da, hamar urteko neskato bat. Bere [...]
Ahoz kontatu eta belarriz jasotako testuak bildu ditu Uxue Alberdik ‘Belarriko Kilkerrak’ liburuan
Posted on 2023-10-05 by KulturSharea
Liburuan hiru zutabe nagusi dira: ahozkotasuna, transmisioa eta [...]
Dani Martirena da ‘Kultur Zarea’ bideo bildumaren protagonista berria
Posted on 2023-10-02 by KulturSharea
Dani Martirena Indart eta Ana Ibañez Elosua legasarrek haurrendako lau [...]
Martin eta Xabier Etxeberria anaiek ‘Artxipelagoa’ podcastari komiki formatua eman diote
Posted on 2023-09-22 by KulturSharea
Idazleek Alex Sanvi eta Sergio Roman Sedyas ilustratzaileak izan [...]
Iragan hurbila gure orainera ekarri du Xabier Mendigurenek ‘Oso latza izan da’ eleberrian
Posted on 2023-09-20 by KulturSharea
Lanak Joxe Arregiren atxiloketatik heriotzara biderako aldia eta [...]

Page 4 of 55

Zabaldu: