Engelsen ‘Etxebizitzaren auzia’ liburua euskaratu du Ane Garciak Katakrak argitaletxearen eskutik

Posted on 2023-10-25 by KulturSharea

Kapitalismoan etxebizitza ulertzeko eta jabetza pribatuan oinarritutako mundu baten kontra pentsatzeko eta ekiteko liburua da Etxebizitzaren auzia. Idazleak duela 150 urte idatzi zuen, baina garai hartako arazoez gain, gaur egungo arazoak ere identifika daitezke liburuan.

Volkstaat aldizkari politikoan Pierre-Joseph Proudhon filosofo anarkistak eta Arthur Mühlberg medikuak etxebizitzaren auziari buruzko artikuluei erantzuteko asmoz, 1872an Friedrich Engels filosofo, historialari eta kazetariak, tonu ironikoan, artikuluak idazten hasi zen aldizkari horretan bertan. Urtebete beranduago artikulu horiek liburu batean bildu zituen eta, orain, Ane Garcia Itzultzaileak testu horiek euskarara ekarri ditu Katakrak argitaletxearen eskutik.

Amaia Prietok idatzi du liburuaren hitzaurrea eta bertan azaldu duenez, Engelsen aburuz etxebizitzaren arazoa ez zen konponduko kooperatibistek, higienistek edota burgesiak haien txostenetan proposatzen zituzten neurriekin, arazoa ekoizpen-modu kapitalistan errotuta zegoen. Neurriek ez zuten jabetza pribatu kapitalista zalantzan jartzen eta horixe zen, hain zuzen ere, arazoaren funtsa. Alegia, langileek haien lanarekin ekoizten zuten aberastasun soziala kapitalisten eskuetan geratzen zen. Horregatik, ekoizpen-modua deuseztatu arte etxebizitzaren auzia, elikagaien auzia bezala, ez zen ebatziko”.

Liburuan azaltzen den bezala, bertan lantzen diren erreferentzia historikoak eta pertsonalak arrotzak egingo zaizkio irakurleari gaur egun, “XIX. mendeko azken hereneko politikan Engelsen pisuzko kontrarioen izenak dira. Edonola, Etxebizitzaren auzia kapitalismoan etxebizitza ulertzeko eta jabetza pribatuan oinarritutako mundu baten kontra pentsatzeko eta ekiteko liburu bat da”.

Engelsek duela 150 urte idatzi zuen liburua, baina garai hartako arazoez gain, gaur egungo arazoak ere identifika daitezke bertan, halaxe nabarmendu du Garciak.

You may also like

Poesiaren ertzei eta mugei buruzko poema liburua ondu du Harkaitz Cano idazleak
Posted on 2023-12-04 by KulturSharea
Ulu egiteko bolondres bila liburua gaur aurkeztu du Donostian. Lau [...]
Udalbiltzak bultzatutako Geuretik Sortuak egitasmoarekin sortutako ‘Hona bostekoa!’ komiki bilduma aurkeztu dute
Posted on 2023-11-24 by KulturSharea
Iñaki Martiarena, Unai Gaztelumendi, Eñaut Aiartzaguena, Aritz Ibarra [...]
Maitasunari buruzko eleberria kaleratu du Karmele Jaiok ‘Maitasun kapitala’ izenburupean
Posted on 2023-11-23 by KulturSharea
Nobela bereziki emakumeek maitatzeko ikasi duten moduan zentratzen da. [...]
‘Mundua pitzatuta dago baina hantxe gabiltza oinez’ album ilustratua eta antzezlana aurkeztu dituzte
Posted on 2023-11-14 by KulturSharea
Harkaitz Canok idatzi du Fernando Bernuesek zuzendutako antzezlanean [...]

Page 2 of 54

Zabaldu: