Garazi du protagonista bakarra eleberri honek, 36 urteko neska bat da, eta beraren bidez azaleratuko dira lo egin ezinean sortzen diren sentimendu edo pentsamenduak.
Lo egin ezinean gaudenean sortzen zaizkigun ideia zurrunbilo horiek da Bekatua (Erein) izenburuko eleberri honetako abiapuntua. Halaxe azaldu du Goiatz Labandibar idazle oiartzuarrak gaur Donostian egin duen aurkezpenean. “Buruak askotan konexiorik gabe salto egiten du ideia batetik bestera eta zer nolako zalantza, beldur edo desira sortzen diren islatu nahi izan dut”, azaldu du. Egileak aitzakia bat behar izan du istorioa garatzeko eta Garazi izeneko 36 urteko pertsonaia aukeratu du horretarako, bera da eleberri labur honen protagonista bakarra. Labandibarrek dionez, “badaude beste pertsonaia batzuk liburuan, baina ez dakigu inoiz beraiek zer sentitzen duten edo zer pentsatzen duten, istorio honetarako ez zaidalako interesatu azken finean”.
Idazleak kontatu duenez, Garazi lagunekin parrandan ateratzen da gau batean, ligatu eta biharamunean ezezagun baten ohean esnatzen da. Ondoan 19 urteko mutil bat du, baina Garazik bikotea du lehendik, Axi. “Sozialki hain ongi ikusia ez dagoen adarrak jartze hori erabili nahi izan dut, are gehiago adin tarte desberdintasun handi samarra duten bi pertsonaren artean eta emakumea helduagoa den kasuan”. Istorio honekin, sozialki ondo ikusia ez dagoen zerbait gertatu ostean, mundua ez dela bukatzen erakutsi nahi izan du idazleak, “ez nuen nahi atzera bueltarik ez duen zerbait izatea, heriotza edo zerbait tragikoa, azken finean saiatu naiz umore edo azidez puntu bat izan zezan narrazioak eta uste dut ez dela oso tragiko gelditu”. Protagonistaren bitartez azaleratu ditu idazleak lo egin ezinean gaudenean sortzen diren ideia zurrunbilo horiek.
Idazleak 2021ean irabazi zuen Getxoko Ramiro Pinilla eleberri laburren saria eta horren emaitza dugu Erein argitaletxeak argitara eman duen Bekatua eleberria.
You may also like
![Gijongo FICX zinema jaialdian estreinatuko du Iratxe Fresnedak ´Lurralde Hotzak´ dokumentala](https://sp-ao.shortpixel.ai/client/q_glossy,ret_img/https://kultursharea.eus/wp-content/uploads/2018/10/iratxe-fresneda2.jpg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)
![Josu Goikoetxearen ´Zer luzea negu hau´ liburua kalean](https://sp-ao.shortpixel.ai/client/q_glossy,ret_img/https://kultursharea.eus/wp-content/uploads/2018/10/Josu-Goikoetxea-Zer-luzea-negu-hau-Aurrez-aurrekoa-1024x576.jpeg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)
![Martin Etxeberria idazleak ´Winston´ poema liburua kaleratu du](https://sp-ao.shortpixel.ai/client/q_glossy,ret_img/https://kultursharea.eus/wp-content/uploads/2018/10/Martin-Etxeberria-Winston-Aurrez-aurrekoa-1024x576.jpeg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)
![‘Inorren lurretan’ diskoa kaleratu du Eraso taldeak](https://sp-ao.shortpixel.ai/client/q_glossy,ret_img/https://kultursharea.eus/wp-content/uploads/2018/10/42556203_2017692884919775_3568198029959757824_o-1000x1024.jpg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)
![Kantagintzaren gaineko gogoeta egin du Gotzon Barandiaranek argitaratu duen saiakeran](https://sp-ao.shortpixel.ai/client/q_glossy,ret_img/https://kultursharea.eus/wp-content/uploads/2018/10/DhITc8IX4AAPfok.jpg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)