Iker Laurobak Lide Hernando abeslariarekin, ‘Ke bonba’ izeneko kanta eta bideoklipa plazaratu ditu

Posted on 2023-06-14 by KulturSharea

Artista donostiarra funk-disco estiloarekin ausartu da Lide Hernando lagun duen kantu dibertigarri honetan. Lau Mundu izeneko proiektu berria osatuko duten abestien artean lehena da Ke bonba. Lan honen helburua, hain zuzen ere, lau abesti berri argitaratzea da, urtaro bakoitzean bat.

Iker Lauroba musikari donostiarrak, Lide Hernando abeslariarekin batera, Ke bonba izeneko kanta eta bideoklipa plazaratu ditu. “Bere abestirik dantzagarrienetako bat da, uda parterako ezin hobea, eta gainera estilo berri batekin ausartu da: funk-disco”, azaldu du Zart kolektiboak.

Umorea ardatz hartuta, “dantza egitera gonbidatzen zaituen abestia da, baina era berean lo egitera bideratzen zaituen letrarekin. Kontraesankorra bezain originala da, eta bertan benetan gustura aurkitzen den Iker Lauroba bat aurkituko dugu, estilo berri honetan ere”.

Lau Mundu proiektu berria osatuko duten abestien artean lehena da Ke bonba. Lan honen helburua, hain zuzen ere, lau abesti berri argitaratzea da. Urtaro bakoitzean bat izango da, bere aurreko lanaren ildoari jarraituz. Horietako bakoitzak artista desberdin bat izango du lagun eta estudio desberdin batean grabatuko da.

Oraingo honetan, Josu Ervitiren (Erviti Studio) eskutik heldu da ekoizpena. Bideoklipa, berriz, Igora Fims-ek egin du, Iñaki Gereñu, Nerea Garmendia eta Iñigo Etxarrirekin batera.

Ke bonba plataforma digital guztietan dago eskuragarri jada, eta bideoklipa dagoeneko Laurobaren youtubeko kanalean ikus daiteke.

You may also like

‘Harrizko bihotza’, Karmele Jaio idazlearen taupaden alfabetoa kalean da
Posted on 2025-11-21 by KulturSharea
Idazle gasteiztarrak azken urteetan ingurura begiratzeak sortu dizkion [...]
Su txikian hausnartzeko album ilustratua ondu dute Olatz Mitxelenak eta Irati Egurenek
Posted on 2025-11-20 by KulturSharea
Olatz Mitxelena idazleak eta Irati Eguren ilustratzaileak ‘Su txikian’ [...]
Uxue Alberdi idazleak ‘Esne-berriketan’ kontakizun liburua aurkeztu du Begoña Durrutyrekin batera
Posted on 2025-11-19 by KulturSharea
Bi urtetan egindako entzuketa ariketen emaitza da Alberdiren lan [...]
1977tik 1980ra Joseba Sarrionandiak idatzitako zinema kritikak liburu batean bildurik
Posted on 2025-09-25 by KulturSharea
Buñuel, Kubrick, Chaplin, Bertolucci, Eisenstein, Pasolini, Bergman, [...]
12361

Page 1 of 61

Zabaldu: