‘Imajinatu Zinemaldia’ erakusketak publikoari egingo dio gorazarre

Posted on 2022-07-13 by KulturSharea

Erakusketa Tabakaleran egongo da ikusgai eta herritarrak, edizioz edizio, ateratzen joan diren argazkiak ere egongo dira ikusgai.

Donostiako Zinemaldiak eta Tabakalera  zentroak Imajinatu Zinemaldia izeneko erakusketa antolatu dute, Zinemaldiaren 70. Urteurrenaren harira. Morgancrea estudioa da komisarioa eta uztailaren 4tik irailaren 24ra egongo da ikusgai Tabakalerako hainbat instalaziotan. Antolatzaileek azaldu dutenez, “helburua da industriari, komunikabideei eta hiriari gorazarre egitea, bai eta, batik bat, publikoari ere, hari zor baitzaio bereziki Zinemaldiak zazpi hamarkada hauetan izandako arrakasta”.

Alfred Hitchcock Victoria Eugenian Vertigo (Bertigo, 1958) aurkezten; Harrison Ford eta Carrie Fisher Star Wars-en (Izarretako gerra, George Lucas, 1977) Europako estreinaldian; John Travolta Kontxako hondartzan paseatzen 1983an; Bette Davis 1989ko prentsaurrekoan; U2 taldeko Bono abeslaria Penelope Cruz aktoreari 2019an, ezustean, Donostia saria ematen… Horra hor Zinemaldiaren iruditeriako une ikonikoetako batzuk. Horiek eta beste asko presente egongo dira ikus-entzunezko erakusketa batean. Gainera, herritarrak, edizioz edizio, ateratzen joan diren argazkiak ere erakutsiko dira.

Horretarako, hots, herritarrek argazkietan bildu dituzten oroitzapen pertsonalak igortzeko, online kanal bat jarri du Zinemaldiak. Edozer une bidal dakieke erakusketako komisarioei: selfie bat aktore famatu batekin, autografo bat sinatzen alfonbra gorrian, zuzendariren bat hiritik paseatzen… Komisarioek, gero, irudien aukeraketa bat egingo dute, eta publikoa ardatz duen erakusketako espazio bateko pantailetan jarriko dira.

Erakusketa Tabakalerako zenbait espaziotan jarriko da, beheko solairuko plazaren eta lehen solairuaren artean. Ez da gela baten barruan bakarrik egongo; aitzitik, eraikineko zenbait gune irekitan ere egongo da, Zinemaldiaren izaera herrikoiarekin bat. Hain zuzen ere, publikoaren zinema-jaialditzat jotzen da.

Erakusketan, mugarri nagusiak gogoratzeko, Zinemaldiaren nortasun-ikur batzuk erabiliko dira. Hori horrela, Zine jaialdi honen alderdi ludikoenak gogoratuko dituzten elementuak ikusiko ditugu zentroan; tartean, photocalla, Zinemaldiaren Egunkaria, zinema-aretoak eta alfonbra gorria. Erakusketak ikus-entzunezko elementu ugari izango ditu, eta, edukiak ikusteko, pantaila eta gailu digital ugari egongo dira.

Bestalde, Tabakalera, Imajinatu Zinemaldia erakusketa antolatzen laguntzeaz gain, buru-belarri arituko da 70. urteurrenaren bueltan beste erakusketa batekin; hots, Vive le cinéma!. Datorren uztailaren 8an hasiko da, eta nazioarteko lau zinemagileren instalazio artistikoak erakutsiko ditu: Jia Zhangke, Lemohang Jeremiah Mosese, Isaki Lacuesta eta Dea Kulumbegashvili.

You may also like

‘Beldurrak, irrintziak, maskarak eta ogi beltza’ erakusketa
Posted on 2021-03-15 by KulturSharea
Endika Basaguren artistaren proiektu hau instalazio bakarra osatzen [...]
Paul Caballero ilustratzaile bilbotarraren erakusketa Donostian ikusgai
Posted on 2021-03-04 by KulturSharea
Erakusketa datorren maiatzaren 9ra arte bisitatu ahal izango da [...]
Aran Santamariaren ‘Hostoz hosto erantzi!’ erakusketa Donostian ikusgai
Posted on 2021-02-04 by KulturSharea
Otsailaren 27ra arte bisitatu ahal izango da erakusketa Okendo Kultur [...]
‘Alegiazko izakiak’ Donostiako Okendo Kultur Etxean
Posted on 2020-10-23 by KulturSharea
Maskarak, sorginak, deabruak, pertsonaia fantastiko tradizionalak eta [...]
Nestor Basterretxea. Argazkigintzaren bitartez erakusketa Tabakaleran
Posted on 2020-09-25 by KulturSharea
Urriaren 12ra arte bisitatu ahal izango da Tabakalerako Kutxa Kultur [...]
Juan Luis Goenaga margolariaren ibilbidea 128 artelanen bidez
Posted on 2020-09-07 by KulturSharea
Erakusketa 2020ko irailaren 4tik 2021eko urtarrilaren 10era egongo da [...]
Sorgin ehizaren inguruko erakusketa Donostiako Okendo Kultur Etxean
Posted on 2020-02-21 by KulturSharea
XV. mendetik XVIII. mendera 250.000 emakume hil zituzten krudelkeriaz, [...]
Ignacio Goitia artistaren erakusketa bisitatzeko azken egunak Bilbon
Posted on 2020-01-29 by KulturSharea
Otsailaren 2ra arte egongo dira artistaren obrak Bilboko Rekalde [...]
‘Artxiboak, beharrezko erregistroak’ erakusketa paratu dute Bilbon
Posted on 2020-01-23 by KulturSharea
‘Artxiboak, beharrezko erregistroak’ erakusketa Bizkaia aretoan egongo [...]
Juliantxo Irujoren ‘Isuriz doa bizitza, ukimena eta ametsak’ erakusketa
Posted on 2020-01-21 by KulturSharea
Bildumak Bilboko sortzaileak bere azken etapan sortutako artelanen [...]

Page 2 of 3

Zabaldu: