Josu Bergarak ‘Kolorez jantzitako egunak’ kanta konposatu du Akorde Txikiak taldearekin batera

Josu Bergara musikariak Akorde Txikiak taldearen laguntzarekin, Kolorez jantzitako egunak izeneko kanta konposatu du. Covid-19 birusaren eraginez, konfinamendu egoeran, abestia bere hiru urteko alabarekin sortu zuen etxean, gitarrarekin eta ondoren, musikari bakoitzak bere etxetik grabatutako bideoaren zatiak batu dituzte, elkarrekin abestia osatzeko. Kantuaren letrak esaten duen bezala, “batzuetan bizitzak alde ilunak erakutsi arren, modu positiboan aurre egin behar zaio eta une txarretan ere gure onena ematen ikasi behar dugu”, adierazi du Bergarak.

Musika eta hitzak: Josu Bergara. Bideoaren edizioa: Jabier Bergara. Audioaren edizioa: David Sanchez Damian. Musikariak: Nerea Alberdi, Mikel Nuñez, Irati Bilbao, Txema Arana, Dani Gonzalez, Luï Young, David Sanchez eta Jabier Bergara.