‘Klik!’ web-seriea estreinatuko dute martxoaren 16an

Umorea eta pop kulturako elementuak erabiliz, alternatiba sozio-ekonomikoen inguruan hausnartzea du helburu bost atalez osatutako web-serie honek.

Bira Produkzioak taldeak Klik! izeneko web-seriea martxoaren 16an estreinatuko du, eta, azaldu duenez, astearte eta ostegunetan zabalduko ditu bost atalak.

Nekane eta Gurutz hernaniarren istorio eta abenturak ardatz hartzen dituen animaziozko webserie bat da Klik!. “Umorea eta pop kulturako elementuak erabiliz, alternatiba sozio-ekonomikoak planteatu eta gai hauen inguruko hausnarketa sustatzea du helburu”, azaldu du lantaldeak.