Korrontzik ‘Lurra’ aurkeztu du, Aita Mari ontziaren aldeko ongintzazko lana

Posted on 2021-12-02 by KulturSharea

“Korrontzi Aita Mari itsasontzian ontziratu da Mediterraneora bidean. Bidai musikala abiaraziko dute urrutiko uretara, ontzigainean beraien trikitia tonuan jarriz. Portu bakoitzean istorioak eta doinuak biltzen dituzte, baita tradizioak eta kulturak ere, eta itxaropenez beteta dauden itsasontziaren sokak luzatzen dizkiete bizitza berri baten bila doazenei”.

Korrontzi taldeak disko-liburua aurkeztu du Bilbon, Elkar argitaletxearen eskutik. Lan berezia da honakoa, izan ere, Aita Mari salbamendu ontziak egindako azken erreskatearen egunerokoa jasotzen da. “Erreskate-ontziari laguntzeko ongintzazko lana” dela dio taldeak, eta ezustekorik ezean, salmentan lortuko den dirua Aita Marin lanean ari den taldeak jasoko duela azpimarratu du.

Liburuari dagokionez, Aita Marik urrian egin zuen azken erreskatearen irudiak bildu dituzte bertan, Alfonso Novo argazkilariaren eskutik, eta baita egunez eguneko erreskate lanak eta egindako bidaia musikala jasotzen duen egunerokoa ere. Aritz Bergara izan da testu horien egilea. Diskoan, berriz, Korrontzik eta munduko beste hainbat musikarik sortutako sei abesti daude.

Mediterraneoan bizi den krisi humanitarioari erantzuna ematen ari den itsasontzia da Aita Mari. “2015ean, Greziako Kios irlara joan ginen erreskate talde gisa; han, hasiera batean, ontziei lehorrera segurtasunez iristen laguntzen eta larrialdietako talde gisa lan egin genuen. Gero, gure lana eboluzionatzen joan da, eta, orain, errefuxiatuak artatzen dituen mediku taldea gara, Vialeko errefuxiatuen kanpalekuko lehorreratzeetan, larrialdietan eta eguneroko osasun-laguntzan. Haien arretaz, gaixo kronikoen jarraipenaz, botiken horniduraz arduratzen gara, eta baita osasunaren eta lehen laguntzen sustapenaz ere”.

You may also like

‘Gogoaren indarra’ kantua sortu du Itziarren Semeak taldeak
Posted on 2019-02-15 by KulturSharea
Gogoaren indarra kantua sortu du Itziarren Semeak taldeak, Iñigo [...]
Errusiako urriko iraultzari buruzko filma proiektatuko dute Tabakaleran
Posted on 2019-02-15 by KulturSharea
  The Anniversary of the Revolution (1918) filma proiektatuko [...]
‘Azeri eta Herio’, Niña Coyote eta Chico Tornadoren disko berriko aurrerapen kantua
Posted on 2019-02-08 by KulturSharea
Niña Coyote eta Chico Tornadoren Aitzstar diskoko aurrerapen kantua [...]
‘Enarak diote’ Nabil taldearen bideoklip berria ikusgai
Posted on 2019-02-01 by KulturSharea
Lekeitioko Nabil taldeak otsailaren 14an argitaratuko du Eter, euren [...]
Deiedratarrök taldearen ´Khantore Bakartiak´ lana osorik entzungai
Posted on 2019-01-30 by KulturSharea
Deiedratarrök taldeak ´Khantore Bakartiak´ izeneko lan berria [...]
Agus Rodriguezek Rekalde tabernako itxieraren harira
Posted on 2019-01-30 by KulturSharea
2018ko Abenduaren 30an, agur esan zioten Rekalde tabernari. Hitzaren [...]
Hodei Beltzen azpian, Ituren, Aurtitz eta Zubietako inauterietan jende andana bildu da
Posted on 2019-01-30 by KulturSharea
Hodei beltzek Iturengo zerua estali zuten joan den astelehenean, gauza [...]
´Eraso Sexistarik Ez´ abestiaren bertsio berria egin du Yogurinha Borovak
Posted on 2019-01-23 by KulturSharea
Danbayán batukadarekin sortu du  bertsio berria Yogurinha Borova [...]

Page 50 of 56

Zabaldu: