Maitasunari buruzko eleberria kaleratu du Karmele Jaiok ‘Maitasun kapitala’ izenburupean

Posted on 2023-11-23 by KulturSharea

Nobela bereziki emakumeek maitatzeko ikasi duten moduan zentratzen da. Hala, liburu honetako protagonistak, Olgak, maitatzeko modu horrekin amaitu eta maitatzeko modu berri bat eraiki nahiko du.

Literaturan, artean, musika eta beste kultur espresiobide batzuetan etengabe jorratu den gai batekin itzuli da Karmele Jaio idazlea literaturara: Maitasuna. Maitasun kapitala jarri dio izenburua gaur, Donostian aurkeztu duen eleberriari eta azaldu duenez, “hainbeste saiakera egon dira maitasuna errepresentatzeko, ulertzeko… gure bizitzan zerbait garrantzitsua dela erakusten duela.

Liburu honek hainbat galdera planteatzen ditu, “bata da zer ezkutatzen den hitz potolo horren atzean eta gure maitatzeko moduaren atzean. Bada ere gonbidapen bat irakurleari bere maitatzeko moduaren azpian zer dagoen deskubritzeko”, kontatu du egileak.

Eleberria bereziki emakumeek maitatzeko ikasi duten moduan zentratzen da. Hala, nobela honetako protagonistak, Olgak, maitatzeko modu horrekin amaitu eta maitatzeko modu berri bat eraiki nahiko du.

Horretarako, bere maitatzeko moduaren hausnarketa bat egingo du, “nahi bat dago ulertzeko zergatik maitatu duen maitatu duen moduan. Horretarako maitasunari buruzko teoria lagun izango du. Bera irakaslea da eta maitasunari buruzko tesi bat zuzentzen dago, maitasunari buruzko teoria feminista guzti horrek lagunduko dio izena jartzen berak sentitzen dituen gauza askori”.

Xabier Mendiguren Elkar argitaletxeko editoreak, bestalde, kapa diferenteak dituen nobela bat dela nabarmendu aurkezpenean, “badago gertakarien geruza bat eta beste bat gogoetena, beraz, eleberriak irakurketa maila desberdinak eskaintzen ditu irakurle mota diferenteentzako. Entretenimenduzko nobela nahi dutenek hori topatuko dute, baina nobela sakonago bat eta gogoeta eginarazten duena nahi dutenek ere bai, adierazi du.

You may also like

Engelsen ‘Etxebizitzaren auzia’ liburua euskaratu du Ane Garciak Katakrak argitaletxearen eskutik
Posted on 2023-10-25 by KulturSharea
Kapitalismoan etxebizitza ulertzeko eta jabetza pribatuan [...]
Gorka Suaiak laster argitaratuko duen diskoaren bigarren aurrerapen karta kaleratu du
Posted on 2023-10-18 by KulturSharea
Ez dut abesteko beharrik du izena kantak eta Kostako Beatsek ekoitzi [...]
Gasteizko herri mugimenduko kolektiboen urtebetetzerako kantua sortu du Micek ‘Ehundu Gasteiz’ izenpean
Posted on 2023-10-16 by KulturSharea
Hala Bedi, Gasteizko Gaztetxea, Auzolana Pilotalekua, Errekaleor [...]
Goiatz Labandibar idazle oiartzuarrak ‘Bekatua’ eleberria plazaratu du
Posted on 2023-10-10 by KulturSharea
Garazi du protagonista bakarra eleberri honek, 36 urteko neska bat da, [...]
Ane Labaka idazle eta bertsolariak ‘Barraskiloek baino bat gehiago’ eleberria kaleratu du
Posted on 2023-10-06 by KulturSharea
Nobela honetako protagonista Sara da, hamar urteko neskato bat. Bere [...]
Ahoz kontatu eta belarriz jasotako testuak bildu ditu Uxue Alberdik ‘Belarriko Kilkerrak’ liburuan
Posted on 2023-10-05 by KulturSharea
Liburuan hiru zutabe nagusi dira: ahozkotasuna, transmisioa eta [...]
Dani Martirena da ‘Kultur Zarea’ bideo bildumaren protagonista berria
Posted on 2023-10-02 by KulturSharea
Dani Martirena Indart eta Ana Ibañez Elosua legasarrek haurrendako lau [...]
Martin eta Xabier Etxeberria anaiek ‘Artxipelagoa’ podcastari komiki formatua eman diote
Posted on 2023-09-22 by KulturSharea
Idazleek Alex Sanvi eta Sergio Roman Sedyas ilustratzaileak izan [...]
Iragan hurbila gure orainera ekarri du Xabier Mendigurenek ‘Oso latza izan da’ eleberrian
Posted on 2023-09-20 by KulturSharea
Lanak Joxe Arregiren atxiloketatik heriotzara biderako aldia eta [...]

Page 5 of 56

Zabaldu: