Martin eta Xabier Etxeberria anaiek ‘Artxipelagoa’ podcastari komiki formatua eman diote

Posted on 2023-09-22 by KulturSharea

Idazleek Alex Sanvi eta Sergio Roman Sedyas ilustratzaileak izan dituzte alboan komikia sortzerako orduan. Gaur Aurkeztu dute lana Elkar argitaletxearen eskutik.

Etxeberria Anaiek eta Oier Aranzabalek EITBren enkarguz sortu zuten Artxipelagoa podcasta 2020an eta orain arte izan duen arrakasta ikusirik, webgunerako komikia sortzeko ere eskatu zieten. Hala, Etxeberria anaiek komikia sortzeari ekion zioten eta gaur, aurrerapauso bat eman eta komiki horren paperezko formatua aurkeztu dute Elkar argitaletxearen eskutik.

Egileek aitortu dutenez, podcast formatutik komikira bihurtzeko prozesua erronka handia izan da, izan ere, lehenengo denboraldia kontatzen da komikian eta 200 orrialde inguruko gidoi batetik 80 orrialdeko komikia sortu behar izan dute. “EITBk komikiarentzako istorioa gazteentzako egokitzea eskatu zigun, beraz, lanketa bat egin behar izan genuen, pertsonaiak gaztetu ditugu eta abentura kutsu gehiago eman diogu. Sintesi lan handia egin dugu komikiak erritmoa izan dezan”, adierazi du Xabierrek.

Komikiaren istorioari dagokionez, egoera distopiko bat erakusten digu eta 2103. urtera garamatza. Etorkizuneko garai horretan, kontinente gehienak ur azpian geratu dira. Berotze globalak eta poloen urtzearen azelerazio bortitzak itsas mailaren igoera bizkorra eragin dute, ustekabean iritsitako Hiru Olatu Handien bidez.

Tsunami honek, herrialde osoak ez ezik, domino efektu azkar batean telekomunikazioak, nekazaritza edo energia ekoizpena deuseztu ditu. Bizirik irautea lortu dutenek baliabide gutxiko eszenatoki berri eta zatikatu batean nabigatu behar dute. Garai ilunak, non Germaniar Konfederazioa edo Ipar Afrikako Liga bezalako potentzia berriak sortuko diren, ur azalean geratzen den Europa konkistatzeko prest.

Jare, ezkutuko botereak dituen Euskal Artxipelagoko neska gaztea, oreka zaharrak hautsi eta aliantza berriak sortu nahian dabilen konplot arriskutsu batean murgilduko da ustekabean.

You may also like

‘Hiri ilunen umeak’ kanta eta bideoklipa dakartza Sara Azurza abeslariak
Posted on 2023-11-06 by KulturSharea
kantari donostiarra abesti alaiarekin itzuli da, 2024an argitaratuko [...]
Haize-arrosa taldeak ‘Ez dogu zor ezer’ kanta eta bideoklipa kaleratu ditu
Posted on 2023-11-06 by KulturSharea
Abestiak gizarteak edertasunaren inguruan sortu dituen kanonak [...]
Arrakasta ardatz duen saiakera aurkeztu du Jasone Osoro idazleak
Posted on 2023-10-31 by KulturSharea
Gaian sakontzeko, hamaika lagun luze eta zabal elkarrizketatu ditu [...]
Modus Operandi taldeak Berri Txarraken ‘Oreka’ kantaren bertsio berria kaleratu du
Posted on 2023-10-30 by KulturSharea
Modus Operandi taldeak Durangoko Azokarako argitaratuko dituen [...]
Jon Artano Kazetariak ‘Juana’ liburua aurkeztu du Elkarren eskutik
Posted on 2023-10-26 by KulturSharea
Juana Perea Plataren familia, bizitza eta bere erailketa ikertu ditu [...]
Engelsen ‘Etxebizitzaren auzia’ liburua euskaratu du Ane Garciak Katakrak argitaletxearen eskutik
Posted on 2023-10-25 by KulturSharea
Kapitalismoan etxebizitza ulertzeko eta jabetza pribatuan [...]
Gorka Suaiak laster argitaratuko duen diskoaren bigarren aurrerapen karta kaleratu du
Posted on 2023-10-18 by KulturSharea
Ez dut abesteko beharrik du izena kantak eta Kostako Beatsek ekoitzi [...]
Gasteizko herri mugimenduko kolektiboen urtebetetzerako kantua sortu du Micek ‘Ehundu Gasteiz’ izenpean
Posted on 2023-10-16 by KulturSharea
Hala Bedi, Gasteizko Gaztetxea, Auzolana Pilotalekua, Errekaleor [...]
Goiatz Labandibar idazle oiartzuarrak ‘Bekatua’ eleberria plazaratu du
Posted on 2023-10-10 by KulturSharea
Garazi du protagonista bakarra eleberri honek, 36 urteko neska bat da, [...]

Page 3 of 54

Zabaldu: