‘Mundua pitzatuta dago baina hantxe gabiltza oinez’ album ilustratua eta antzezlana aurkeztu dituzte

Harkaitz Canok idatzi du Fernando Bernuesek zuzendutako antzezlanean oinarrituta dagoen liburu hau eta Isabel Herguerak egin ditu ilustrazioak. Egitasmoak liburutegiei eta literaturari omenaldia egin nahi die, gazteak literaturaren mundura erakartzeko asmoz. 

Fernando Bernues antzerkigilearen ideia batean oinarrituta datoz gaur Donostian aurkeztu dituzten Mundua pitzatuta dago baina hantxe gabiltza oinez izeneko album ilustratua (Erein) eta istorio bera kontatzen duen formatu txikiko antzezlana (Tanttaka Teatroa). Paperezko hegazkin batetik alabarekin nola komunikatu ez dakien aita batek paperezko hegazkin bat bidaltzen dio egunero balkoitik agur esateko. Hegazkinetan idatzitako mezuen bidez, aitak literatura-misioak jartzen dizkio alabari, liburuzain zorrotz baten konplizitatearekin argitu ditzan. Horrela, liburuen eta bizitzaren arteko lotura ezagutuko du neskatoak. Urte asko geroago, orain idazlea den alaba, liburutegira itzuliko da bere lehenengo liburuan jaso duen iniziazio-esperientzia hori kontatzeko.

Harkaitz Canok idatzi du antzerki obran oinarrituta dagoen album ilustratu hau eta Isabel Herguerak egin ditu ilustrazioak. Egitasmoak liburutegiei eta literaturari omenaldia egin nahi die, gazteak literaturaren mundura erakartzeko asmoz. Canok azaldu duenez, “ohikoena izaten da liburu batean oinarrituta antzezlan bat egitea, baina, kasu honetan, alderantzizkoa izan da bidea: Lehenbizi antzezlana idatzi zen, gero liburua, eta antzezlanean bertan liburua aurkezten da. Beraz, horrelako jolas bat dago. Aurkezten den liburua benetako liburu bat da eta antzezlanean kontatzen dena liburuan kontatukoa da bere aldaketatxoekin”.

Hala, protagonista gerora idazle bihurtuko den haur bat da eta “idazle bihurtuko den haur hori marrazkilaria da, idazlea da eta aurkeztuko duen liburua berak idatzi du”, kontatu du egileak.

Antzezlanari dagokionez, Sara Cozar aktoreak Agata gorpuztuko du, liburuzaina, Miren Arrieta, berriz, alabaren gorputzean sartuko da eta Asier Hernandezek aitaren papera egingo du. Cozarrek azaldu duenez, dagoeneko pase batzuk egin dituzte euskaraz eta  umeek ere ikusi ahal izan dute obra lantaldea entseguetan egon denean. “Oso harrera ona izan du, umeek oso gustura hartu dute istorio berezi hau, gauza asko kontatzen duen istorioa delako eta oso obra landua delako. Oso gauza sakonak kontatzen ditu, literatura barnean sartzen da, emozioak… oso hunkigarria da istorioa.

Antzezlanaren euskarazko estreinaldi ofiziala abenduaren 11n izango da, Donostiako Santa Teresa komentuan.

You may also like

El Diluviren ´I tu, sols tu´ abestiaren euskarazko bertsioa egin du Huntza taldeak
Posted on 2018-10-31 by KulturSharea
El Diluviren I tu, sols tu abesti ezagunaren euskarazko bertsioa [...]
Nafarroa osoan euskara ofiziala izan dadin aldarrikatzeko mobilizazioa egingo dute Iruñean
Posted on 2018-10-23 by KulturSharea
Behingoz lelopean, mobilizaziorako deia egin du Kontseiluak datorren [...]
Palestina, Kornualles, Katalunia eta Euskal Herriako taldeak Musika Bizian jaialdian
Posted on 2018-10-22 by KulturSharea
Estaturik gabeko herrialdeen jaialdi bakarra da Galdakaoko Musika [...]
Euskaraldiaren bideoklipa “Hartu kontrola, aukeratu rola”
Posted on 2018-10-22 by KulturSharea
Egileak: Basu, Las Tea Party, Ines Osinaga eta Maialen Arzallus. [...]
Ikasgelan bertsolaritza lantzeko ´bertsoikasgela´ ataria martxan
Posted on 2018-10-19 by KulturSharea
Bideoa: Bertsozale Elkartea Ikastetxeetako bertsolaritza eskoletarako [...]
Eskean Kristören ‘Zaldiak negarrez’ aurkezpen kantua entzungai
Posted on 2018-10-17 by KulturSharea
Eskean Kristök azaroaren 9an aurkeztuko du Beste belaze batzuen [...]
Ximun Fuchs antzerkigilea Axut kolektiboari buruz
Posted on 2018-10-14 by KulturSharea
Ximun eta Manex Fuchs anaiek euskarazko arte eszenikoak bultzatzeko [...]
Gijongo FICX zinema jaialdian estreinatuko du Iratxe Fresnedak ´Lurralde Hotzak´ dokumentala
Posted on 2018-10-11 by KulturSharea
Datorren Azaroaren 16tik 24ra Gijonen izango den Zinema Jaialdian [...]
Josu Goikoetxearen ´Zer luzea negu hau´ liburua kalean
Posted on 2018-10-11 by KulturSharea
Neguko hotza, euria, ekaitza… dakar Josu Goikoetxea idazleak Zer luzea [...]

Page 54 of 55

Zabaldu: