Norberaren ekografiaren irakurketa dakar Lorelei taldeak ‘Ekografiak’ disko berrian

Posted on 2022-10-14 by KulturSharea

Aurten 25 urte bete dira taldearen lehen diskoa, Bada hiri gorri bat, argitaratu zenetik.

Hiru urte dira Lorelei taldeko kideak elkartu zirela bira bat egiteko. 2020ko itxialdiak baina, dena zapuztu zuen. Gerora, taldekide bakoitzak bere pandemia pertsonala bizi izan zuela kontatu du Asier Serrano kantari eta idazleak, Mikel Gorosabel musikariak disko bat grabatzea proposatu zion arte, taldearen hirugarrena, eta gaur aurkeztu dutena Ekografiak izenpean.

Serranok aitortu duenez, sorkuntzarekiko neke bat zuen eta disko honek eta Mikelen eskuzabaltasunak salbatu zuen. “Ikusi nuen sorkuntzak, musikagintzak, letrak, literaturak… bere dohain balsamikoa zeukatela”. Horrela hasi zen disko berria grabatzeko abentura.

Abestiek “gutaz, gu minuskulaz idatzitako gure iraganaz hitz egiten dute, baina maiuskulaz idazten den gu kolektibo baten beldurrak, minak… ere agertzen dira. Sentimendu unibertsalez ari gara, iraganetik datorren oihu bat da. Ekografiak azken finean oihartzunen irakurketa bat da eta ikusten dugu entzuleak disko honekin bere bizitzako errepasoa ere egin dezakela”, adierazi du Serranok.

Gorosabelentzat “sormena, nahiz eta beti hor azpian egon, animoak altxatzeko terapia ona izaten da, are gehiago emaitza ikusten duzunean, lehenengo kantua biribiltzen duzunean, bigarrena, hirugarrena… Lan hau forma hartzen hasten denean garbi ikusten duzu badatorrela. Uste dut oso lan atsegina izan dela, ez da batere tensoa izan, presarik gabekoa, denborak lagundu izan digu gauzak lasai egiten eta hori emaitzan ikusten da”.

Musika estiloari dagokionez, giro ezberdinak islatu nahi izan dituzte, “giro oso intimoak daude”, dio Gorosabelek, baina badira rock eta popa ere. Bere ustez, “oso disko borobila” da. Aurreko bi lanetan bezala, “azken kanta poema musikatu bat da eta ikaragarri geratu da”.

Gorosabelek disko kontzeptual bezala, lehenengo kantatik azkenengora intimitatean edo behintzat bakarrik entzuteko lan bat dela ere nabarmendu du.

Diskoaren aurkezpen bira

Hirugarren lan honek taldearen 25. urteurrenarekin bat egiten du. Aurretik Bada hiri gorri bat (1997) eta Tatuatu zenidan zerua (1999) kaleratu zituzten. Loreleiren agurretik bi hamarkada iragan diren honetan, Antxon Sarasua eta Loiola Madera musikariekin batera igoko dira antzokietako oholtzetara Gorosabel eta Serrano abendutik aurrera.

You may also like

Engelsen ‘Etxebizitzaren auzia’ liburua euskaratu du Ane Garciak Katakrak argitaletxearen eskutik
Posted on 2023-10-25 by KulturSharea
Kapitalismoan etxebizitza ulertzeko eta jabetza pribatuan [...]
Gorka Suaiak laster argitaratuko duen diskoaren bigarren aurrerapen karta kaleratu du
Posted on 2023-10-18 by KulturSharea
Ez dut abesteko beharrik du izena kantak eta Kostako Beatsek ekoitzi [...]
Gasteizko herri mugimenduko kolektiboen urtebetetzerako kantua sortu du Micek ‘Ehundu Gasteiz’ izenpean
Posted on 2023-10-16 by KulturSharea
Hala Bedi, Gasteizko Gaztetxea, Auzolana Pilotalekua, Errekaleor [...]
Goiatz Labandibar idazle oiartzuarrak ‘Bekatua’ eleberria plazaratu du
Posted on 2023-10-10 by KulturSharea
Garazi du protagonista bakarra eleberri honek, 36 urteko neska bat da, [...]
Ane Labaka idazle eta bertsolariak ‘Barraskiloek baino bat gehiago’ eleberria kaleratu du
Posted on 2023-10-06 by KulturSharea
Nobela honetako protagonista Sara da, hamar urteko neskato bat. Bere [...]
Ahoz kontatu eta belarriz jasotako testuak bildu ditu Uxue Alberdik ‘Belarriko Kilkerrak’ liburuan
Posted on 2023-10-05 by KulturSharea
Liburuan hiru zutabe nagusi dira: ahozkotasuna, transmisioa eta [...]
Dani Martirena da ‘Kultur Zarea’ bideo bildumaren protagonista berria
Posted on 2023-10-02 by KulturSharea
Dani Martirena Indart eta Ana Ibañez Elosua legasarrek haurrendako lau [...]
Martin eta Xabier Etxeberria anaiek ‘Artxipelagoa’ podcastari komiki formatua eman diote
Posted on 2023-09-22 by KulturSharea
Idazleek Alex Sanvi eta Sergio Roman Sedyas ilustratzaileak izan [...]
Iragan hurbila gure orainera ekarri du Xabier Mendigurenek ‘Oso latza izan da’ eleberrian
Posted on 2023-09-20 by KulturSharea
Lanak Joxe Arregiren atxiloketatik heriotzara biderako aldia eta [...]

Page 5 of 56

Zabaldu: