Rafa Ruedak ‘Oroitz’ kanta eta bideoklipa aurkeztu ditu

Posted on 2022-07-13 by KulturSharea

Larunbatean, bideoko abeslariek eta beste zortzi lagunek osatzen duten Hamabihots koruak lagunduta, halakoak eta beste batzuk kantatuko dituzte Rafa Ruedak eta bere bandak Elorriko Ganondo parkean, Musikaire Jaialdiaren barruan.

Rafa Rueda musikari bizkaitarrak Oroitz izeneko kanta eta bideoklipa aurkeztu ditu. Harkaitz Estiballes bertsolariak idatzitako bertsoekin sortutako kanta da Oroitz Koralai Ahots Taldearen laguntzarekin. Calle Sonorak sortu du bideoklipa.

Ruedak azaldu duenez, “aspaldi, amama ondoan, Durangoko bonbardaketaren inguruko dokumentala ikusten ari ginela, esatariak bertan hildako hiru pertsonen izen abizenak aipatu zituen; horietako bat Rafael Billelabeitiarena. Ezer esan barik, amama bere lekutik altxatu eta gelara joan zen. Bueltatu zenean postal zahar horixka horietakoa eman zidan eskura. Postalaren atzealdea begiratu eta lumaz idatzita hauxe jartzen zuen: “Para mi sobrina Felisa, que se siga riendo tanto como hasta ahora”, eta behean sinadura: “Rafael Billelabeitia”. Ordurako 30ak beteta nituen jada baina aurretik ez nuen etxean inolako berbarik entzun gertakizun honen inguruan. Baina ez zen gau hartako aurkikuntza bakarra izan. Haritik tiraka, urte berean Frankistek bere neba barku baten eraman zutela esan ere egin zidan. Gaur da eguna ez dakigula zer gertatu zitzaion ezta non egon daitezkeen bere aztarnak”.

Guzti horrek zer pentsatua ekarri dio beti Ruedari “isildutakoak. Maite dituzunak minetik babesteko asmoz, beldurrak eraginda akaso…Batek daki. Gauza ugari gorde eta isildu ditu herri honek baina zauriak ez dira sendatuko ez bada gure historiaren liburutik ezabatutakoak berriz idatzita”.

Hurrengo kontzertuak

Larunbatean, uztailaren 16an, bideoklipeko abeslariek eta beste zortzi lagunek osatzen duten Hamabihots koruak lagunduta, halakoak eta beste batzuk kantatuko dituzte Rafa Ruedak eta bere bandak Elorriko Ganondo parkean Musikaire Jaialdiaren barruan. Emanaldia doakoa izango da eta arratsaldeko 20:00etan hasiko da.Bi egun geroago, uztailaren 18an, Rafa Rueda Ermuako Martxoak 8 plazan izango da 22:30ean. Kasu honetan, biko formatuan arituko da.

You may also like

Engelsen ‘Etxebizitzaren auzia’ liburua euskaratu du Ane Garciak Katakrak argitaletxearen eskutik
Posted on 2023-10-25 by KulturSharea
Kapitalismoan etxebizitza ulertzeko eta jabetza pribatuan [...]
Gorka Suaiak laster argitaratuko duen diskoaren bigarren aurrerapen karta kaleratu du
Posted on 2023-10-18 by KulturSharea
Ez dut abesteko beharrik du izena kantak eta Kostako Beatsek ekoitzi [...]
Gasteizko herri mugimenduko kolektiboen urtebetetzerako kantua sortu du Micek ‘Ehundu Gasteiz’ izenpean
Posted on 2023-10-16 by KulturSharea
Hala Bedi, Gasteizko Gaztetxea, Auzolana Pilotalekua, Errekaleor [...]
Goiatz Labandibar idazle oiartzuarrak ‘Bekatua’ eleberria plazaratu du
Posted on 2023-10-10 by KulturSharea
Garazi du protagonista bakarra eleberri honek, 36 urteko neska bat da, [...]
Ane Labaka idazle eta bertsolariak ‘Barraskiloek baino bat gehiago’ eleberria kaleratu du
Posted on 2023-10-06 by KulturSharea
Nobela honetako protagonista Sara da, hamar urteko neskato bat. Bere [...]
Ahoz kontatu eta belarriz jasotako testuak bildu ditu Uxue Alberdik ‘Belarriko Kilkerrak’ liburuan
Posted on 2023-10-05 by KulturSharea
Liburuan hiru zutabe nagusi dira: ahozkotasuna, transmisioa eta [...]
Dani Martirena da ‘Kultur Zarea’ bideo bildumaren protagonista berria
Posted on 2023-10-02 by KulturSharea
Dani Martirena Indart eta Ana Ibañez Elosua legasarrek haurrendako lau [...]
Martin eta Xabier Etxeberria anaiek ‘Artxipelagoa’ podcastari komiki formatua eman diote
Posted on 2023-09-22 by KulturSharea
Idazleek Alex Sanvi eta Sergio Roman Sedyas ilustratzaileak izan [...]
Iragan hurbila gure orainera ekarri du Xabier Mendigurenek ‘Oso latza izan da’ eleberrian
Posted on 2023-09-20 by KulturSharea
Lanak Joxe Arregiren atxiloketatik heriotzara biderako aldia eta [...]

Page 4 of 55

Zabaldu: