‘Bretxa’ eleberriaren euskarazko bertsioa eta izen bereko ikuskizun musikala aurkeztu dituzte

Posted on 2022-03-15 by KulturSharea

Duela sei urte hasi ziren ikuskizuna lantzen. Vegaren hitzetan, “herritarron historia herritarrok kontatu nahi dugu. Bereziki, gure arbaso emakumeek pairatutakoa azaldu nahi dugu.

Toti Martinez de Lezea idazleak duela hamasei urte argitaratutako Bretxa eleberria euskarara ekarri du Erein argitaletxeak. Goizean aurkeztu dute liburua Donostian, izen bereko ikuskizun musikalarekin batera.

Eleberriak 1813an Donostian gertatu zen sarraskia kontatzen du. “Maritxu Altuna txokolategilearen ikuspuntutik ezagutuko dugu historia, bera hirian geldituko da negozioari eusteko, baina abuztuaren 31 helduko da eta horrekin batera herritarrek biziko duten amesgaiztoa. Gipuzkoan jaso zen gertakari ilun horretatik abiatuta herritarren bizitzan zentratuko da liburua”, kontatu du Uxue Razquin editoreak.

Martinez de Lezea pozik agertu da eleberriaren euskarazko bertsioarekin, “nik ezin dut euskaraz idatzi eta nire liburuak euskaraz ikustea opari handi bat da”, aitortu du.

Formatu handiko ikuskizuna

Liburuaren euskarazko bertsioa argitaratzeaz gain, Oihan Vegak eta Valen Moñuxek Bretxa izeneko ikuskizun musikala aurkeztu dute. Vegak berak konposatu du musika guztia eta Moñuxekin batera aritu da zuzendaritza lanak egiten. Duela sei urte hasi ziren proiektua lantzen. Vegaren hitzetan, “herritarron historia herritarrok kontatu nahi dugu. Bereziki, gure arbaso emakumeek pairatutakoa azaldu nahi dugu. Horregatik aukeratu dugu emakume batek idatzitako eleberria, zeinetan, hiru andre izango diren protagonista nagusiak. Hori dela eta, gure elkarteko partaide gehienak ere emakumezkoak izango dira obra honetarako.

Larrabetzuko idazleak adierazi duenez, “nigana etorri zirenean, proiektu erraldoi hau azaltzera, esan nien burutik jota zeudela eta nire etxean eroak ongi etorriak dira”.

Eleberriaren izenburua erabiliz, egitura handiko ikuskizun musikala taularatuko dutela azaldu du lantaldeak prentsaurrekoan, “1813ko Donostiako sarraskia, gure historiako pasarterik ilunenetakoa, orain arte egin ez den antzezlan formatuan plazaratuko dugu”.

Horretarako Bergara eta Gipuzkoa osoko hainbat talde eta elkarte kulturalek hartuko dute parte. Guztira 150 bat pertsona arituko dira oholtza gainean, tamaina handiko ekoizpen eszenikoan. Bergarako Musika Eskola, Donostiako Union Artesana edota Donostia 31 Rekreazionista Elkartea dira obran parte hartzen ari direneteko batzuk.

Estreinaldia 2023ko urtarrilaren 13an izango da Donostiako Victoria Eugenia antzokian, baina urtean zehar, hainbat ekitaldi egingo dituzte hirian barrena, gertakizunaren 110. urteurrenaren harira: erakusketak, hitzaldiak…

You may also like

‘Francoren bilobari gutuna’ antzezlana osorik ikusgai
Posted on 2019-01-16 by KulturSharea
Badira urte batzuk Euskal Herriko hiru lurraldetako hiru antzerki [...]
Metrokoadrokak taularatutako ‘Poza’ antzezlana osorik ikusgai
Posted on 2019-01-16 by KulturSharea
Bost lagun gela batean, zer edo zer ederra gertatzeko zain. Ordu [...]
‘Gu, Laboa’ dokumentala ikusgai
Posted on 2019-01-16 by KulturSharea
Mikel Laboa hil zenetik 10 urte bete direnean, gaur egun musikari [...]
LAIZE BARAKALDOKO RAP ABESLARIAK ‘2.0’ IZENEKO BIDEOKLIP BERRIA AURKEZTU DU
Posted on 2019-01-16 by KulturSharea
Laizek 2.0 izeneko bideoklip berria aurkeztu du eta azaldu duenez, [...]
Itxaron zerrenda zabalik da ‘Euskaltzaletasuna eta Feminismoa: zer ikasi, hura elikatu’ ikastarorako
Posted on 2019-01-14 by KulturSharea
(Bideoa eta testua: Jakin aldizkaria   Urtarrilean hasita, bost [...]
‘V.40. Minutu Rock’ jaialdiaren bideoa aurkeztu dute
Posted on 2019-01-11 by KulturSharea
Musika: Selektah Stepi Letra: Moro eta Juantxo Perkusioa; Aitor [...]
‘Lou. Dantzan jo ta ke, oinak lehertu arte’, Lou Olangua abeslariari buruzko dokumentala
Posted on 2019-01-10 by KulturSharea
Lou Olangua abeslariaren ibilbidea kontatzen du “Lou. Dantzan jo ta [...]
Madeleine taldearen ‘Hura’ abestiaren bideoklipa ikusgai
Posted on 2019-01-10 by KulturSharea
Madeleine (Emo Rock, Donostia) taldeak 2018ko udazkenean [...]
60. hamarkada: euskal kantagintza berria
Posted on 2019-01-08 by KulturSharea
Bideoaren egilea: ahotsak.eus 60ko hamarkadan haize berriak iritsi [...]
Euskalgintza eta kulturgintza aro berri baten aurrean
Posted on 2019-01-08 by KulturSharea
UEU eta Iratzar Fundazioak elkarlanean antolatutako Herrigintzaren aro [...]

Page 51 of 56

Zabaldu: