Egitasmo berriaren lehen diskoa azaroaren 27an argitaratuko du musikariak.
Azaroaren 16an eskainiko du Pello Reparazek Zetak proiektuaren lehen zuzenekoa. Egun horretan, arratsaldean, topaketa bat iragarri du arbizuarrak eta horren ostean kontzertua eskainiko du disko berriko hainbat kanturekin. Zuzenekoa non izango den baina, ez du oraindik iragarri, sarrerak erosten dituztenei bi aste lehenago emango die tokiaren berri, modu pribatuan.
Sarrerak gaur jarriko dira salgai, 19:00etatik aurrera, webgune honetan. Sare sozialak baliatu ditu Pello Reparazek Zetak proiektuaren nondik norakoak azaltzeko, Bidean izeneko bideoklipa ere bertan aurkeztu zuen ekainean. Arbizukoa bakarlari bezala ari da hamar urte luzez Vendetta taldean ibili eta gero.
Reparazek egitasmo berriaren lehen diskoa azaroaren 27an argitaratuko du.