Aretxabaletarrak Musika modernoan murgiltzeko harizko musika-tresnentzako ikastaroa proiektuarekin irabazi du beka. 9.000 euroko laguntza jasoko du proiektua garatzeko eta emaitza zortzi hilabeteren buruan aurkeztu beharko du.
Santi Jimenez Hezkuntzako ordezkari eta Musika Eskolako presidenteak jakinarazi du Iñigo Muguruza bekaren bigarren edizioa nork irabazi duen. Hautatutako proiektua Eñaut Zubizarretak Trigger (Aretxabaleta, 1992) aurkeztutako Musika modernoan murgiltzeko harizko musika-tresnentzako ikastaroa da.
Proiektuaren egileak proposamenaren helburuen berri eman du: “Musika-lengoaia modernoaren oinarrizko ezagutzak zabaltzea hari igurtzizko musika-tresnen esparruan, ezagutzak eta material didaktikoa eskaintzea hari-igurtzizko musika-tresnen euskal komunitateari, irisgarritasuna eta hedapena sakontzea, online bidea erabilita eta azken berrogei urteetan Euskal Herrian sortutako musika-errepertorioa ezagutzera ematea. Euskal musika eta euskara mundu osoan zehar zabaltzea”.
Jimenezek adierazi duenez, oso garrantzitsua da horrelako bekak ematea oso esparru espezifikoetan. Musika modernoaren kasuan, oso nabarmentzekoa iruditzen zaigu ezagutzak zabaldu eta eskaini nahi dituen proiektu bat garatu ahal izatea. Izan ere, entzuten dugun guztiaren azpian, deskubritzea merezi duen mundu bat dago. Seguru nago proiektu honen bidez musika modernoa hobeto ulertu eta sentitu aha izango dugula”.
Deialdi honen bidez, Irungo Udalak ikerketa/ekintza proiektuak sustatu nahi ditu, euskal esparruko azken hamarkadetako musika modernoarekin lotuta. Bekari Iñigo Muguruzaren izena eman zaio, irundarrak musikari, konpositore eta Irungo Udalaren Musika Eskolako irakasle gisa egin zuen lan handia nabarmentzeko.
Irabazleak 9.000 euroko laguntza jasoko du proiektua garatzeko eta emaitza zortzi hilabeteren buruan aurkeztu beharko du.