Jabier Muguruzak ‘Cafe Mokka’ eleberria kaleratu du eta irudi iradokitzaileekin lagundu ditu testuak

Jabier Muguruzak Cafe Mokka eleberria kaleratu du Alberdania argitaletxearen eskutik. Idazleak irudi iradokitzaileekin lagundu ditu testuak eta horretarako Lorena Martinez Oronoz ilustratzailea izan du alboan sortze-prozesuan.

Donostiako Botanika kafetegia aukeratu zuen Jabier Muguruzak bete lehen nobela aurkezteko. Ez zen kasualitatea izan, lan hau Cafe Mokka izeneko taberna batean gertatzen baita eta Albertok bertan egiten du lan.

Protagonistak bere ibilbide pertsonala eta profesionala azaltzen ditu liburuan, musikari izatetik kamarero izatera egin duen bidea, tonu konfidentzial eta autoironiatsuan.

Idazkerak deskribapen zehatzak eta gogoeta filosofikoak uztartzen ditu, jazzaren inguruko pasio pertsonaletik gizartearen bilakaeraren analisi kritikoraino.

Miren Mujika editoreak adierazi duenez, “irakurleak lehen pasartetik bertatik irudikatuko du zer-nolako taberna den Cafe Mokka, zer usain darion, zer musika aditzen den bozgorailuetatik, zer koadro dituen, nola dagoen apainduta… Eta, hain zuzen ere, irakurleak giro hori izango du kontakizunean lagun. Betiko jendea joaten da taberna horretara: auzokoak, aldameneko lantokietan lan egiten duten langileak, euskaltegiko ikasleak… Nork bere elkarrizketak izango ditu han, hala lagunekin nola Albertorekin. Egun pil-pilean dauden gaiak jarriko dituzte tabernako barraren gainean, eta nork bere iritzi edo hausnarketak partekatuko ditu”.

Kafetegi horretan bezeroek solasaldiak izaten dituztela dio Muguruzak, “hitzaren erreibindikazio garbia dago liburu osoan zehar, eta Alberto kamarero/narratzaileak entzun egiten ditu kontu horiek, eta parte hartu ere sarri, debate ezberdinetan”.

planteamendua dialektikoa

Liburuaren planteamendua dialektikoa dela nabarmendu du egileak, “ez dago bertan egia borobilik; gauzen inguruan hizketan aritzen da, ikuspuntuak trukatu…”

Jorratzen diren gaiei dagokienez, “batzuk klasikoak dira eta beste batzuk berriagoak, edo azken aldian gizartean bolo-bolo dabiltzanak”, aipatu du idazleak.

Muguruzak irudi iradokitzaileekin lagundu ditu testuak eta horretarako Lorena Martinez Oronoz ilustratzailea izan du alboan sortze-prozesuan: “Jabierrek eta biok, Irungo auzo berean jaioak izan arren, orain izan dugu, Cafe Mokkari esker, elkar ezagutzeko aukera, kafeak eta solasaldiak konpartituz. Eta modu horretara, leku eta emozio komunez beteriko nobela honen ilustrazioen izaera destilatuz joan da”, adierazi du Martinezek.

You may also like

Xabi Solano musikaria aktore lanetan estreinatuko da ‘Aitaren Hauspoa’ antzezlanarekin
Posted on 2026-11-06 by KulturSharea
Ximun Fuchsek sortu eta zuzendu du obra, Solanoren bizitzatik eta [...]
Itziar Aranburuk eta Jon Ander Garciak “d” letraz hasten diren hitzekin osatu dute ‘Dudak dakarrena’
Posted on 2026-11-05 by KulturSharea
Pamiela argitaletxearen eskutik kaleratu dute liburua. Umorea eta [...]
Maialen Berasategik bakardadearen erromantizazioa landu du ‘Erreplika’ lehen nobelan
Posted on 2026-10-28 by KulturSharea
Eleberriak idazlegai gazte baten eta hark miresten duen idazle [...]
Uxue Razquinen amaren galerari buruzko lekukotasuna euskaratu du Irati Jimenezek
Posted on 2026-10-21 by KulturSharea
2025ean gaztelaniaz argitaratutako Cómo se le dice adiós a una madre [...]
Jon Gerediagak ‘Kontuz, Ikaro!’ antzezlana kaleratu du
Posted on 2026-10-15 by KulturSharea
Ikaro mito greziarra abiapuntu hartuta, askatasunari, nortasunari eta [...]
Periferiari beste begirada bat eman dio Nerea Arrienek ‘Gorputzen aldiriak’ liburuan
Posted on 2026-10-14 by KulturSharea
Hiriaren bazterreko auzo batean kokatu ditu Arrienek elkarrekin [...]
Gorka Etxebarriak Herri Batasunaren sorreraren testuinguru historikoa aztertu du
Posted on 2026-10-06 by KulturSharea
Euskal Herriko trantsizio garaiko mugimendu politiko, sozial eta [...]
Gizon izateko agindua auzitan jarri du Aritz Galarragak ‘Izan gizona’ saiakeran
Posted on 2026-09-17 by KulturSharea
Gizontasuna nola eraikitzen den eta gizarteak ezarritako gizon ereduak [...]
Xabier Mendigurenek Morlanseko hilketa ekarri du literaturara
Posted on 2026-09-17 by KulturSharea
Memoria historikoa eta euskal gatazkaren inguruko gogoeta landu ditu [...]
123…63

Page 1 of 63

Zabaldu: