Euskal Eskola Publikoaren jaiaren bideoklipa

2019ko ekainaren 2an egingo da Euskal Eskola Publikoaren Jaia Errenterian

-Hitzak: Oneka Olive

-Musika: Yon Figueroa.

-Abeslariak: Estitxu Pinatxo eta Yon Figueroa.

-Bideokliparen zuzendaritza: Ayar Salazar, Gotzon Santaolaya.

Euskal Eskola Publikoak

Errenterian bota du aingura,

denontzat zabalik dago

Euskal Herritik mundura.

Hezkuntza aukera paregabea

etorkizunez dago betea,

zu eta ni engranajea

jar dezagun martxan katea!

Makina bat taupadek

ematen diote bizia,

Euskal Eskola Publikoa

gure geroaren hazia.

Gure herriko kaleetako

argazki baten tankeran,

jatorri eta izaera ugaritako

lagunak gaude ikasgelan.

Euskalduna eta anitza

horrelakoa bait da bizitza,

hezkuntza gizartearen giltza

entzun dezatela gure hitza!

Makina bat taupadek

ematen diote bizia,

Euskal Eskola Publikoa

gure geroaren hazia.

Elkarlanean bagoaz aurrera

denek izan dezagun aukera bera.

Zu ere gurekin batzen al zera?

bultza dezagun denok batera!

Ekainaren bian dugu zita

prestatu eta zatoz , “ti-ta”!

“Errenterian bizi gara eta

egin zaiguzu bisita!”