‘Black Is Beltza II. Ainhoa’ filmaren soinu banda aurkeztu dute

Posted on 2022-09-15 by KulturSharea

Soinu banda bihar, irailak 16, kaleratuko dute.

Fermin Muguruzak zuzendutako Black Is Beltza II. Ainhoa bigarren animazioko filmaren soinu banda aurkeztu dute gaur Donostian. Mursegok eta bere arte magikoak sortu dute filmaren jatorrizko musika. Ondorengo talde hauen kantuak ere entzun daitezke soinu bandan:  Kortatu, Imanol, Benny More, Broken Brothers Brass Band · Rip · Cicatriz ·  Redskins ·  Mikel Laboa ·  Barricada, Amal Murkus, Tania Saleh, Wajiha Rastagar, Khan Qarabaghi, Bakht zamina, Welatê me, The Pogues, Brenda Navarrete, Massilia Sound System, Soapkills, Joseba Tapia eta Mursego bera.

“Aurreko filmean bezalaxe, oso pelikula musikala” dela dio Muguruzak. “Musikak bere rola du, beste pertsonaia bat da. Tokian tokiko musika entzuten da, eta protagonistek egiten duten bidaiaren mapa osatzen du”.

Sinopsiaren arabera, “Ainhoa mirariz jaio zen La Pazen (Bolivia) Amanda ama atentatu parapolizial batean eraila izan ondoren. Kuban hazi eta 1988an, 21 urterekin, Euskal Herrira abiatuko da Manex aitaren lurraldea ezagutzera. Gatazka errepresibo betean, Josune kazetari konprometitua eta bere lagun kuadrilla ezagutuko ditu. Horietako bat heroina gaindosi baten ondorioz hiltzen denean, Ainhoa eta Josune iniziazio-bidaian murgilduko dira Libano, Afganistan eta Marseilla hiritik barrena. Gerra Hotzaren azken urteak dira eta biak ala biak narkotrafikoko sareek trama politikoekin elkartzen diren mundu ilunean barneratuko dira”.

Gaurko aurkezpenean parte hartu dute Maite Arroitajauregi Mursegok, Fermin Muguruzak, Andres Camio Jitu (Elkar) eta Liher taldeko Lide Hernando eta Iñigo Etxarri. Agerraldia iraun duen bitartean, Felix Mr Ze diskoaren diseinatzaileak panel bat margotu du zuzenean.

Soinu banda bihar, irailak 16, kaleratuko dute.

You may also like

Xabi Solano musikaria aktore lanetan estreinatuko da ‘Aitaren Hauspoa’ antzezlanarekin
Posted on 2026-11-06 by KulturSharea
Ximun Fuchsek sortu eta zuzendu du obra, Solanoren bizitzatik eta [...]
Itziar Aranburuk eta Jon Ander Garciak “d” letraz hasten diren hitzekin osatu dute ‘Dudak dakarrena’
Posted on 2026-11-05 by KulturSharea
Pamiela argitaletxearen eskutik kaleratu dute liburua. Umorea eta [...]
Maialen Berasategik bakardadearen erromantizazioa landu du ‘Erreplika’ lehen nobelan
Posted on 2026-10-28 by KulturSharea
Eleberriak idazlegai gazte baten eta hark miresten duen idazle [...]
Uxue Razquinen amaren galerari buruzko lekukotasuna euskaratu du Irati Jimenezek
Posted on 2026-10-21 by KulturSharea
2025ean gaztelaniaz argitaratutako Cómo se le dice adiós a una madre [...]
Jon Gerediagak ‘Kontuz, Ikaro!’ antzezlana kaleratu du
Posted on 2026-10-15 by KulturSharea
Ikaro mito greziarra abiapuntu hartuta, askatasunari, nortasunari eta [...]
Periferiari beste begirada bat eman dio Nerea Arrienek ‘Gorputzen aldiriak’ liburuan
Posted on 2026-10-14 by KulturSharea
Hiriaren bazterreko auzo batean kokatu ditu Arrienek elkarrekin [...]
Gorka Etxebarriak Herri Batasunaren sorreraren testuinguru historikoa aztertu du
Posted on 2026-10-06 by KulturSharea
Euskal Herriko trantsizio garaiko mugimendu politiko, sozial eta [...]
Gizon izateko agindua auzitan jarri du Aritz Galarragak ‘Izan gizona’ saiakeran
Posted on 2026-09-17 by KulturSharea
Gizontasuna nola eraikitzen den eta gizarteak ezarritako gizon ereduak [...]
Xabier Mendigurenek Morlanseko hilketa ekarri du literaturara
Posted on 2026-09-17 by KulturSharea
Memoria historikoa eta euskal gatazkaren inguruko gogoeta landu ditu [...]
123…63

Page 1 of 63

Zabaldu: