‘Harria’ diskoa eta ikuskizuna aurkeztuko du Iñaki Palacios txistulariak

Posted on 2019-09-10 by KulturSharea

Musikari gasteiztarraren bigarren proiektuak lau osagai ditu: Iñaki Perurenaren poesia, Mulixka Dantza Taldearen koreografiak, harrizko txalaparta eta trikitixa.

Iñaki Palacios Mulixka Dantza Taldearekin eta Iñaki Perurenarekin batera sortu du Harria izeneko disko berria eta ikuskizuna. Gasteiztarraren bigarren proiektuak txistua du elementu nagusi eta bateratzailea. Musika tresna honen gainean eraiki dira, oro har, melodiak eta kantuen garapenak. Baina lan berriak baditu beste lau osagai ere: Iñaki Perurenaren poesia, Mulixka Dantza Taldearen koreografiak, harrizko txalaparta eta trikitixa.

Musikariak Lurra, Ardoa, Dantza diskoa kaleratu zuen 2017an, izen bereko proiektuaren lehenengo atala izan zen, bigarrena, berriz, Mulixkarekin prestatu zuen ikuskizuna.

Txistua bai, baina Palaciosek bere betiko testuinguru tradizionaletik atera nahi izan du eta bestelako musika tresna batzuekin uztartu ditu. Txistuari bigarren aukera bat emanez. Musikariak dionez, txistuak “momentu gogorrak, onak eta ahaztezinak” eman dizkio. “Alde batetik, emaitza onak lortzeko egin behar den ahalegin guztia: entseguak, abesti eta ikuskizunen errepikapenak, orduak eta orduak jotzen egon, edota sakrifikatutako asteburu guztiak… Berez, musikari guztiek egiten duten lana da eta publikoarentzat gehienetan ezkutuan gelditzen dena”. Bestalde, egindako ahalegin guzti hori saritua dela ikustea polita dela dio, “bai lan aldetik eta bai jendeak eskertzen dizun guztiagatik”.

Baga Biga diskoetxearekin argitaratuko du Harria diskoa. Ikuskizunaren estreinaldia berriz,  irailaren 14an izango da, gaueko 21:30ean, Gasteizko Foruen Plazan.

 

You may also like

Arantzazuri buruzko dokumentala estreinatuko dute gaur, Hernanin
Posted on 2019-09-26 by KulturSharea
  Nabarralde Fundazioak ondu du Arantzazu, harriz herri [...]
‘Agur Etxebeste!’ filma irailaren 27an helduko da zinema aretoetara
Posted on 2019-09-23 by KulturSharea
Aupa Etxebeste! filmaren ildoa jarraitzen duen komedia da Agur [...]
‘Zergatik’, Arrano Pertxa eta Lengu iluna bikoaren kantu berria
Posted on 2019-09-17 by KulturSharea
Disko fisikoa argitaratu beharrean, abesti solteak bideoklip batekin [...]
‘Eguzki bat tatuatu’ kantua aurkeztu du Iker Martinezek
Posted on 2019-09-17 by KulturSharea
Lurralde berriak izeneko diskoa kaleratuko du Iker Martinezek (Oñati, [...]
Glaukomaren ‘Gure Kaiola’ abestiaren bertsio berria
Posted on 2019-09-12 by KulturSharea
"Bazen behin suak irentsitako estudio bat Arrasaten. Garrek [...]
Sergeren ‘Ahantzi ez nazazun’ kantuaren bideoklipa
Posted on 2019-09-11 by KulturSharea
Serge musikariak aurten argitaratutako bakarkako Enarak itzuli dira [...]
‘Eguzkitan bero’ kantuaren bideoklipa aurkeztu du Urtz taldeak
Posted on 2019-09-10 by KulturSharea
'Zabaldu ateak' diskoko Eguzkitan bero kantuaren bideoklipa aurkeztu [...]
Gaztetxo eta helduen bertso eskoletan izena emateko epea zabalik, Malerrekan
Posted on 2019-09-10 by KulturSharea
Bertsotan ikasteko guneak dira bertso-eskolak: bat-batean edo [...]
Iñigo Muguruzaren bizitzari buruzko bideo sorta
Posted on 2019-09-10 by KulturSharea
Testua eta bideoak Euskal Musika Katearen bidez. Iñigo Muguruzaren [...]

Page 41 of 55

Zabaldu: