Javier Perez artistaren ‘Presentziak Absentziak’ erakusketa ikusgai Donostian

Posted on 2022-07-07 by KulturSharea

Artista bilbotarraren sorkuntza-mundua ezagutzeko aukera ematen du erakusketa honek. Irailaren 25era egongo da ikusgai Donostiako Kubo-Kutxa aretoan.

Javier Perezen (Bilbo, 1968) obren bereizgarri nagusietako bat sinkretismoa da, bai prozedurei dagokienez bai erabiltzen dituen materialei dagokienez ere: eskultura, argazkia, marrazketa, bideoa eta performancea modu independentean erabiltzen ditu, eta batera, interakzioa eta ikerketa funtsezko ezaugarri dituzten instalazioak sortzeko.

Bere ibilbidean zehar, orotariko euskarriak erabili ditu: material organikoak, hala nola hesteak, larrua, zaldi-zurda, pergaminoak, latexa eta krisalidak; hauskorrak, beira edo portzelana, adibidez; eta solidoak, brontzea eta marmola, esaterako. Denei eskatzen dizkie artistak arrisku tekniko handiko egoerak, baina aukera paregabea ematen diote erabateko askatasunez mugitzeko bere sorkuntza-prozesuan.

Bere obrarekin, giza izateari buruz egin dituen ikerketak eta gogoetak erakusten ditu Perezek, metafora ugariko eta sinbolismo handiko hizkuntza baten bidez. Haren lanek atxikita dute dialektika, eta agerian uzten dute zein ahulak izan daitezkeen itxuraz elkarri kontrajarriak diren kontzeptuen arteko mugak; adibidez, naturala eta kulturala, barnekoa eta kanpoa, bizitza eta heriotza kontzeptuen artekoak. Fluktuazio ziklikoen ideia, zirkulartasuna, denborazkotasuna eta “inpermanentzia” dira artistaren ohiko gaietako batzuk.

Artistak gustuko du “tratatzea espiritualtasunaren eta haragikoitasunaren arteko topaguneak, purua denaren eta ezpurua denaren artekoak, ederra denaren eta izugarria denaren artekoak, erakarpenaren eta aldaratzearen artekoak. Nire obretan, ohikoak dira ikusleari obrak ulertzeko estadio desberdinak proposatzen dizkioten mugimendu zabukari horiek. Alderdi horiek guztiak uztartzen saiatzen naiz nire obrekin. Gizakia jartzen bere izatearen aurrez aurre eta ezin erakargarriagoa gerta dakiokeen horren guztiaren aurrez aurre. Bere erraiekiko erakarpena sentiarazten”.

Presentziak Absentziak erakusketak artista bilbotarraren sorkuntza-mundua ezagutzeko aukera ematen du. Lau aretotan barrena Perezek eta Alfonso de la Torrek erakusketa honetarako ehundutako istorioaren lau atalak daude ikusgai: Presentzia Absentziak, Pultsio Pultsazioak, Somnia Insomnia eta Bideak.

You may also like

‘Beldurrak, irrintziak, maskarak eta ogi beltza’ erakusketa
Posted on 2021-03-15 by KulturSharea
Endika Basaguren artistaren proiektu hau instalazio bakarra osatzen [...]
Paul Caballero ilustratzaile bilbotarraren erakusketa Donostian ikusgai
Posted on 2021-03-04 by KulturSharea
Erakusketa datorren maiatzaren 9ra arte bisitatu ahal izango da [...]
Aran Santamariaren ‘Hostoz hosto erantzi!’ erakusketa Donostian ikusgai
Posted on 2021-02-04 by KulturSharea
Otsailaren 27ra arte bisitatu ahal izango da erakusketa Okendo Kultur [...]
‘Alegiazko izakiak’ Donostiako Okendo Kultur Etxean
Posted on 2020-10-23 by KulturSharea
Maskarak, sorginak, deabruak, pertsonaia fantastiko tradizionalak eta [...]
Nestor Basterretxea. Argazkigintzaren bitartez erakusketa Tabakaleran
Posted on 2020-09-25 by KulturSharea
Urriaren 12ra arte bisitatu ahal izango da Tabakalerako Kutxa Kultur [...]
Juan Luis Goenaga margolariaren ibilbidea 128 artelanen bidez
Posted on 2020-09-07 by KulturSharea
Erakusketa 2020ko irailaren 4tik 2021eko urtarrilaren 10era egongo da [...]
Sorgin ehizaren inguruko erakusketa Donostiako Okendo Kultur Etxean
Posted on 2020-02-21 by KulturSharea
XV. mendetik XVIII. mendera 250.000 emakume hil zituzten krudelkeriaz, [...]
Ignacio Goitia artistaren erakusketa bisitatzeko azken egunak Bilbon
Posted on 2020-01-29 by KulturSharea
Otsailaren 2ra arte egongo dira artistaren obrak Bilboko Rekalde [...]
‘Artxiboak, beharrezko erregistroak’ erakusketa paratu dute Bilbon
Posted on 2020-01-23 by KulturSharea
‘Artxiboak, beharrezko erregistroak’ erakusketa Bizkaia aretoan egongo [...]
Juliantxo Irujoren ‘Isuriz doa bizitza, ukimena eta ametsak’ erakusketa
Posted on 2020-01-21 by KulturSharea
Bildumak Bilboko sortzaileak bere azken etapan sortutako artelanen [...]

Page 2 of 3

Zabaldu: