Joxean Sagastizabalek ‘Kutsidazu bidea, Ixabel’ eleberriaren berrargitalpena aurkeztu du

Inork ez zuen espero umorezko eleberri batek halako arrakasta izatea. Joxean Sagastizabal idazlearen sekretua, Oier Etxebeste Alberdaniako editorearen arabera, “umorearen tratamendu literario berritzailea” izan zen.

Joxean Sagastizabal idazleak Kutsidazu bidea, Ixabel eleberria argitaratu zuen 1994an, eta ordutik hona, 100.000 aletik gora saldu dira. Orain, eleberri umoretsu honen berrargitalpena aurkeztu du egileak Alberdania argitaletxearen eskutik.

Argitaletxeak azaldu duenez, “umorea da eleberri honen ardatza. Umorea literatura tratamendu egokiz egina, estilo arinez, generoaren arauekiko berritzaile, eta beste berezitasun garrantzitsu batekin: arrakasta. Giharren bat ukitu izango du liburu honek euskaldun berri edo zaharberrituen gorputzean, nork bere burua identifikatua sentitzeraino pasarteren batean edo bestean. Izan ere euskal belaunaldi baten ispilu konplexurik gabea da Kutsidazu bidea, Ixabel”.

Idazlearen arabera, Kutsidazu bidea, Ixabel euskal “literaturaren misterio misteriotsuena” da. “Nola da posible 1994an argitaratu zen liburu xume bat oraindik presente egotea abiada eskizofrenikoan dabilen munduan? Erantzun posibleak: Jendeari barre egitea gustatzen zaio, eta Kutsidazu barregarria (omen) da. Bestetik, hainbat herritar identifikatu egiten da homo urbanikola euskarabaldarrensis-aren Vasconum arriskutsuen arteko abenturekin”.

Ziurrenik, gaur egunera arte behintzat, euskararen “saga” bakarra izango dela dio Sagastizabalek: “liburua, CD bat jolasekin, antzerkia, pelikula, seriea, bigarren liburu bat, musikala; eta benetako bide bati, Hernialderen eta Alkizaren bitartekoari, Kutsidazu bidea izena jarriko zaio hilaren 14an, datorren ostiralean”.

Umorezko literatura eta arrakasta eskutik

Oier Etxebeste editoreak kontatu duenez, “100.000 aletik gora saldu dituen eleberri hau duela hogeita hamabi urte argitaratu zen, eta Alberdania lan hori argitaratu baino urtebete eskas lehenago sortu zen. Garai horretan, ez zen umorezko literatura egiten. Horregatik, Inazio Mujika Iraolak hitzaurrean dion bezala, hasieran eskuizkribuari mesfidantzaz begiratu zioten orduko editoreek. Hala ere, liburuak sortzen zituen barre eutsiezinak bultzatu zuen argitaletxeak argitaratzea”.

Inork ez zuen espero umorezko eleberri batek halako arrakasta izatea. Sagastizabalen sekretua, Etxebesteren arabera, “umorearen tratamendu literario berritzailea” izan zen. Gainera, “euskaltegietako ikasleak euskal landa giroan murgiltzean bizi izandako gorabeheren kontakizun dibertigarria da, non irakurleak identifikatu daitezkeen”.

You may also like

Joanes Lopez Zeraingoa du protagonista Patri Urkizuren ‘Suaren Froga’ eleberriak
Posted on 2021-07-22 by KulturSharea
Urkizuk errealitatea eta fikzioa uztartu ditu eleberria osatzeko. [...]
Itxaro Bordak Amaia Ezpeldoi detektibearen azken lana aurkeztu du
Posted on 2021-07-19 by KulturSharea
Euri zitalari esker eleberria Donibane Garazin abiatzen da. [...]
‘Zinez’ kanta eta bideoklipa aurkeztu ditu Ødei rap abeslariak
Posted on 2021-07-12 by KulturSharea
Ødei rap abeslariak ‘Zinez’ abestia eta apirilean, Baionan, [...]
Izarok Lara Izagirreren ‘Nora’ filmerako sortu duen kanta aurkeztu du
Posted on 2021-07-07 by KulturSharea
Lara Izagirrek zuzendutako filma irailaren 3an helduko da zinema aretoetara.
Esne Beltza eta Amak taldeek ‘Nafar Erreinua’ abestia plazaratu dute
Posted on 2021-06-23 by KulturSharea
Esne Beltzak eta Amak taldeak ikuskizun berria eskainiko dute uda [...]
Huntza taldeak Doctor Prats talde katalanarekin batera ‘Haizeak’ kanta aurkeztu du
Posted on 2021-06-18 by KulturSharea
Aldapan Gora (Ertzetatik, 2016) eta Lasai, lasai (Xilema, 2018) abesti [...]
Eñaut Elorrietak ‘Tren luzea’ kantaren bertsio berri bat aurkeztu du
Posted on 2021-06-17 by KulturSharea
Eñaut Elorrieta musikariak Tren luzea kantaren bertsio berria aurkeztu [...]

Page 23 of 59

Zabaldu: