Seiurte taldeak ‘Cabo Cañaveral’ diskoak dakarren ‘Neoizko kaleetan’ kantaren bideoklipa aurkeztu du

Posted on 2023-03-17 by KulturSharea

Abestiak etorkizunik ikusten ez duen eta hiriko lekurik nahasi eta ilunenetan galduta dagoen pertsona bati buruz hitz egiten du. “Abesti iluna da, giro itogarria eta, aldi berean, nortasun eta indar handikoa islatzen duena”, adierazi dute.

Seiurte taldeak Cabo Cañaveral estudioko zazpigarren eta azken diskoak dakarren Neoizko kaleetan abestiaren bideoklipa aurkeztu du. Alain Martinezek grabatu du bideoklipa, eta argi islatzen du Berrizko taldeak bilatu nahi izan duena: “hasieratik lortu nahi genuen Blade Runner giroa, baina bagenekien ez zela erraza izango. Azkenean, Alain Martinezek erronkari eutsi eta bilatzen genuena eskaini zigun. Lan itzela egin du, ikaragarria”, adierazi dute. Alainek Hendaian duen estudioan eta taldearen herrian, Berrizen, grabatuta dago bideoklipa. Cabo Cañaveral diskoaren hirugarren abestiak etorkizunik ikusten ez duen eta hiriko lekurik nahasi eta ilunenetan galduta dagoen pertsona bati buruz hitz egiten du. “Abesti iluna da, giro itogarria eta, aldi berean, nortasun eta indar handikoa islatzen duena”, adierazi dute. Musikari dagokionez, soinu elektroniko baxuak sartu dituzte riffean, sintetizadoreak errepiketan eta efektuak ahotsean.Cabo Cañaveral taldearen estudioko zazpigarren lana da, indie-rock estiloko zortzi abesti biltzen dituena. Gaztain estudioetan grabatuta dago Eñaut Gaztañagaren eskutik, eta soinu garaikidez jantzitako abesti indartsuak dira.

You may also like

Adrenalized taldearen ‘Gezurra ari du’ kantuaren bideoklipa
Posted on 2019-02-18 by KulturSharea
Adrenalized taldearen Operation Exodus laneko kantua dugu Gezurra ari [...]
Bertso barnetegia iruditan
Posted on 2019-02-18 by KulturSharea
Negusko bertso barnetegian asteburu honetan jasotako irudi batzuk [...]
‘Gogoaren indarra’ kantua sortu du Itziarren Semeak taldeak
Posted on 2019-02-15 by KulturSharea
Gogoaren indarra kantua sortu du Itziarren Semeak taldeak, Iñigo [...]
Errusiako urriko iraultzari buruzko filma proiektatuko dute Tabakaleran
Posted on 2019-02-15 by KulturSharea
  The Anniversary of the Revolution (1918) filma proiektatuko [...]
‘Azeri eta Herio’, Niña Coyote eta Chico Tornadoren disko berriko aurrerapen kantua
Posted on 2019-02-08 by KulturSharea
Niña Coyote eta Chico Tornadoren Aitzstar diskoko aurrerapen kantua [...]
‘Enarak diote’ Nabil taldearen bideoklip berria ikusgai
Posted on 2019-02-01 by KulturSharea
Lekeitioko Nabil taldeak otsailaren 14an argitaratuko du Eter, euren [...]
Deiedratarrök taldearen ´Khantore Bakartiak´ lana osorik entzungai
Posted on 2019-01-30 by KulturSharea
Deiedratarrök taldeak ´Khantore Bakartiak´ izeneko lan berria [...]
Agus Rodriguezek Rekalde tabernako itxieraren harira
Posted on 2019-01-30 by KulturSharea
2018ko Abenduaren 30an, agur esan zioten Rekalde tabernari. Hitzaren [...]

Page 52 of 58

Zabaldu: