Olatz Mitxelena idazleak eta Irati Eguren ilustratzaileak ‘Su txikian’ album ilustratua (1545 argitaletxea) aurkeztu dute. Galderak sortzen zaizkio Udane bilobari, aitonak egiten eta esaten dituenak entzunda: aitonak landatu eta zaindutako basoa aitonarena ote da?, basoari kendu edo eman, zer egiten dio aitonak gehiago?, zuhaitzak mantso-mantso haziko badira, ikusiko ote du aitonak bere basorik?.
Su txikian hausnartzeko liburua da: denboraz hausnartzeko, basoaz, galdutako bizimoduez, aldatzen diren ikuspegiez.
Galduko dira okilak, galduko dira su txikia eta basoari begiratzeko modua; galderarik ez zaigu ahituko, ordea: kaxk-kaxk egingo dio okilak irakurlearen buruari.
Liburu honekin lotuta dagoen kantua ere sortu dute. Itziar Ugartek idatzi eta Olatz Salvadorrek musikatu duena.
You may also like
