‘Zinez’ kanta eta bideoklipa aurkeztu ditu Ødei rap abeslariak

Ødei rap abeslariak ‘Zinez’ abestia eta apirilean, Baionan, grabatutako bideoklipa aurkeztu ditu. Sare Sozialen bidez adierazi duenez, hasiera batean, “bakarkako lan berria urte hastapenean atera eta kontzertuekin hasteko nahia nuen baina kulturari begira Lapurdi, Nafarroa Beherea eta Zuberoan izan dugun egoera ikusirik (kontzerturik ez, kultura gelditua, dena itxia…), urte hasieran atera behar nuen lan laburra urte bukaeran aterako den lan luze bilakatu da”.

Diskoa kaleratu bitartean, bertan izango diren kantetako batzuk aurreratuko dituela iragarri du abeslariak.