Eva Perez-Ponsek ‘Zaharkitze programatua’ poesia liburua aurkeztu du

Posted on 2020-07-07 by KulturSharea

Perspektiba feminista batetik heldu dio liburuari Lemoako idazleak. Perez-Ponsek Blas de Otero-Bilbo Uria nazioarteko poesia saria irabazi zuen iaz lan honekin.

Zaurgarritasuna da Zaharkitze programatua liburuko poemak zipriztintzen dituen gaia, izan ere, gorputzak presentzia handia du Eva Perez-Ponsek (Lemoa, 1996) idatzitako liburuan. Hala, egileak garai hauetan prekarizazio egoerak geroz eta bortitzagoak direla mahaigaineratu nahi izan du bere aurreneko lan honekin.  “Sentitzeko, bizitzeko eta lan egiteko eskemak geroz eta zurrunagoak dira”. Horregatik,  “indibidualismoa eta produktibismoa bezalako baloreek gure osasun mentalari nola eragiten dieten, horren adierazle nagusia gorputza izanik” erakutsi nahi izan du. Hortik dator, hain zuzen, Zaharkitze programatua izenburua, “makinak edo automatak bilakatu nahi gaituzten honetan, gailu elektronikoei gertatzen zaien moduan, gu ere atzeratuta geratu gaitezke, atzean geratze horrek dakarren guztiarekin”.

Egileak liburua idatzi ondoren, irakurri eta bere buruarekiko kontraesan askorekin topo egin duela aitortu du, eta eguneroko praktika feministarekin talka ere egin dezaketela uste du, “zentzu horretan liburu hau ariketa bat izan da kontraesan horiei heltzeko eta zerk sortzen dituen aztertzeko”. Hala ere, aldarrikapen eta salaketarako tarteak ere badaudela azpimarratu du. Horretaz gain, “hainbeste dramatismoren artean, erotismoari eta desirari tartetxo bat eskaini nahi izan diet, betiere begirada despatriarkalizatu batetik”.

Inazio Mujika Erein argitaletxeko editoreak, bere aldetik, idazleak gaurkotasun handiko poemarioa idatzi duela adierazi du, “gaur egungo gaia eta formekin eta gaur egungo kontatzeko moduekin” ondu du liburua “Lehenengo poematik perspektiba feminista batetik ari zaigu idazlea, maitatzeko moduez, erotismo asko dago liburuan, gorputzaren presentzia dago, sistemaz ari da, biolentziaz ari da, harremanen botereaz ari da”, azaldu du Mujikak.

Perez-Ponsek Industria Elektronikaren eta Automatikaren Ingeniaritzan gradua egina du eta Ikasketa Feministen eta Generokoen Masterra egiten ari da. Zaharkitze programatua poema bilduma du bere lehen literatura lana. Idazleak Blas de Otero-Bilbo Uria nazioarteko poesia saria irabazi zuen iaz lan honekin.

You may also like

Amatasunari eta feminismoari buruzko testigantzak
Posted on 2022-05-06 by KulturSharea
M ama eme ume izeneko liburua gaur aurkeztu dute Donostian, Elkar [...]
Arantxa Urretabizkaia idazleak ‘Azken etxea’ eleberria aurkeztu du
Posted on 2022-04-21 by KulturSharea
Zahartzaroaren estereotipoekin apurtzen duten pertsonak dira liburuko [...]
‘Jaun eta jabe’ da Des-Kontrol taldearen single berria
Posted on 2022-04-08 by KulturSharea
Des-kontrol taldeak Inoiz Baino Argiago izeneko lan luzea kaleratuko [...]
Agustin Arrietak lau gazteren arteko elkarrizketa dakar ‘Gaueko eztabaidak’ liburuan
Posted on 2022-03-30 by KulturSharea
Hiru gautan banatu du egileak elkarrizketa hau: Lehenak zientziaz, [...]
‘Ilargiaren etorbidea’ kanta aurkeztu du Lorelei taldeak
Posted on 2022-03-23 by KulturSharea
Aurten 25 urte beteko ditu Lorelei taldearen Bada hiri gorri bat lehen [...]
Haurtzaroko sexu abusuei buruz Maddi Ane Txoperenak ‘Ez erran inori’ eleberrian
Posted on 2022-03-17 by KulturSharea
Idazleak 23. Igartza saria jaso zuen 2020ko irailean, idazle gazteei [...]
‘Martxa Baten Lehen Notak’ izango da Elkar+ekin dantzan! Ekimenaren doinua
Posted on 2022-03-16 by KulturSharea
Mikel Laboaren abestia izango da martxoaren 20an Euskal Herriko txoko [...]
‘Bretxa’ eleberriaren euskarazko bertsioa eta izen bereko ikuskizun musikala aurkeztu dituzte
Posted on 2022-03-15 by KulturSharea
Duela sei urte hasi ziren ikuskizuna lantzen. Vegaren hitzetan, [...]

Page 2 of 44

Zabaldu: