McOnak bueltan da ‘Balearen Bertsoak’ kanta berriarekin

Posted on 2021-02-22 by KulturSharea

Hamargarren urteurrenaren harira argitaratuko duten Bitakora diskoaren aurrerapen kanta da Balearen Bertsoak.

McOnak taldea bueltan da kanta berri batekin. Lekeitiarrek hamar urte beteko dituzte aurten, eta, laster, urteurrena ospatzeko disko berria kaleratuko dute Bitakora izenpean. Balearen bertsoak aurrerapen kanta da eta The Capaces taldeko Martillo abeslari katalanarekin batera grabatu dute. Taldekideek azaldu dutenez, hamargarren urteurrena izanda zerbait berezia egin nahi izan dute eta Martillorekin kolaboratzeko aukera sortu zitzaien. “Kantu herrikoi horretatik izenburua hartu dugu, baina gizarteari kritika bat egin nahi izan diogu”, adierazi dute.  “Abestiak aldaketa baten beharraz hitz egiten du, bale batek nola ikusten duen mundua eta gizakiak munduarekiko nolako erantzukizuna daukan”.

Bitakora disko berriari dagokionez, taldearen ibilbidea islatu nahi izan dute lekeitiarrek, baina nostalgian erori gabe, kantuetan gaurkotasuna duten gaiak jorratuz eta aurrera begiratuz. Lana 2020. urteko uztailean grabatu zuten Usurbilen Haritz Harreguy Studio-an.

McOnak taldea Joseba Iturraspe (ahotsa eta gitarra akustikoa), Kemen Atxurra (gitarra elektrikoa, ahotsak), Pello (Saxofoia), Ander Merino (bateria) eta Kimetz Madariaga (baxua, ahotsak) musikariek sortu zuten 2011n, Lekeition. Bitakora taldearen bosgarren lana da. Aurretik, McEta (2012, autoekoizpena), Piraten matxinada (2013, Mauka), Galarrena (2015, Mauka) eta Gure Naufragioak (2018, Mauka) diskoak argitaratu dituzte.

You may also like

Esne Beltza eta Amak taldeek ‘Mapa bat baino gehiago’ kantaren bideoklipa aurkeztu dute
Posted on 2022-05-18 by KulturSharea
Esne Beltza eta Amak taldeek Mapa bat baino gehiago kantaren [...]
Amatasunari eta feminismoari buruzko testigantzak
Posted on 2022-05-06 by KulturSharea
M ama eme ume izeneko liburua gaur aurkeztu dute Donostian, Elkar [...]
Arantxa Urretabizkaia idazleak ‘Azken etxea’ eleberria aurkeztu du
Posted on 2022-04-21 by KulturSharea
Zahartzaroaren estereotipoekin apurtzen duten pertsonak dira liburuko [...]
‘Jaun eta jabe’ da Des-Kontrol taldearen single berria
Posted on 2022-04-08 by KulturSharea
Des-kontrol taldeak Inoiz Baino Argiago izeneko lan luzea kaleratuko [...]
Agustin Arrietak lau gazteren arteko elkarrizketa dakar ‘Gaueko eztabaidak’ liburuan
Posted on 2022-03-30 by KulturSharea
Hiru gautan banatu du egileak elkarrizketa hau: Lehenak zientziaz, [...]
‘Ilargiaren etorbidea’ kanta aurkeztu du Lorelei taldeak
Posted on 2022-03-23 by KulturSharea
Aurten 25 urte beteko ditu Lorelei taldearen Bada hiri gorri bat lehen [...]
Haurtzaroko sexu abusuei buruz Maddi Ane Txoperenak ‘Ez erran inori’ eleberrian
Posted on 2022-03-17 by KulturSharea
Idazleak 23. Igartza saria jaso zuen 2020ko irailean, idazle gazteei [...]

Page 2 of 44

Zabaldu: