Aizkorak Zorroztu & The Mia Wallace band-ek udaren ostean argitaratuko dute sortutako lan berria eta aurrerapen kantu gisa, Like Artifizialak izeneko pieza plazaratu dute.
Ander Pikowskyren zuzendaritzapean, Eneritz Furyak, Leire Apariciok (Lorelei Geen), Xandra J. March-ek (Tight Leash, Tailor Box) eta eszenako beste hainbat musika taldetako kideek parte hartu dute abestian. Azaldu dutenez, “Elkarrekin psychocurcumaz eta jenjibrefunkaz gainezka egiten duen big-band psikodelikoa osatu dute”.
