‘Aukeratu zure abentura’ eta ‘scapebook’ egitura uztartzen dituen liburua kaleratu du Nerea Loiolak

Posted on 2022-10-26 by KulturSharea

7G Udalekuak Eskapu bilduma berriaren lehendabiziko liburua da. Idazleak urtero ale berri bat argitaratzeko asmoa duela iragarri du.

Nerea Loiola idazleak (Deba, 1985) 7G Udalekuak izeneko liburua aurkeztu du Donostian. Eskapu bilduma berriaren lehendabizikoa da honakoa eta ‘aukeratu zure abentura’ eta ‘scapebook’ egitura uztartzen dituela azaldu du. Idazleak urtero liburu berri bar argitaratzeko asmoa duela dio eta denak izango dituzte ezaugarri berberak. “Liburua irakurri ahala eta istorioan aurrera egin ahal izateko, momentu batzuetan irakurleak erabakiak hartu beharko ditu bi edo hiru aukera edo erantzun posibleren artean eta beste momentu batzuetan, aldiz, istorioak zein orritan jarraitzen duen jakiteko enigma batzuk ebatzi beharko ditu”, azaldu du egileak. Horrela liburuan aurrera eta atzera egiten, amaiera desberdinak biziko ditu irakurleak eta bizirik ateratzea edo ez lortuko du.

Liburu berezi honekin, Loiolak protagonista bihurtu nahi izan du irakurlea eta 5G teknologia gainditu eta 7G teknologia erabiltzen duen udaleku batetan onartua izango da. Udaleku horren kokapena sekretua dela dio idazleak eta protagonista hasiera batean oso pozik egongo den arren, egunak pasa ahala, zerbait oker dabilela sentituko du, zerbait arraroa sumatuko du eta beti egongo da alarma egoeran. Irakurleak bere gaitasunak eta adimena erabili beharko ditu. Erabaki txar batek hondamendia eragin dezakeelako… eta heriotza ere bai.

You may also like

Sonetoz osatutako liburua ondu du Harkaitz Cano idazleak
Posted on 2022-12-02 by KulturSharea
Pozaren erdia du izenburu lan berriak eta Susa argitaletxearen eskutik [...]
Bilboko San Frantzisko auzora itzuli da Jon Arretxeren Toure detektibea
Posted on 2022-11-27 by KulturSharea
Prostituzioaren lege berriak nola eragingo duen Bilboko San Frantzisko [...]
Iñigo Antsorregik depresioa lehen lerrora ekarri nahi izan du ‘Nire minaren etxean’ saiakerarekin
Posted on 2022-10-30 by KulturSharea
Egileak broma giroan kontatu nahi izan du bere prozesua, “liburuan ni [...]
Zea Maysek Doctor Deseo taldearen ‘Corazon de tango’ abestiaren bertsio berria aurkeztu du
Posted on 2022-10-30 by KulturSharea
Bilboko Doctor Deseo taldearen Corazón de Tango klasikoa propio egin [...]
Kokein taldeak ‘Ispiluari Begiratzean’ abestia eta bideoklipa aurkeztu ditu
Posted on 2022-10-17 by KulturSharea
Kanta honen hitzek epaitzen ez duen barne begirada batetik abiatuta [...]
Norberaren ekografiaren irakurketa dakar Lorelei taldeak ‘Ekografiak’ disko berrian
Posted on 2022-10-14 by KulturSharea
Aurten 25 urte bete dira taldearen lehen diskoa, Bada hiri gorri bat, [...]
12346

Page 1 of 46

Zabaldu: