‘Raggamuffin Kamarada’, Suaia eta Ama Rebel taldearen aurkezpen kantua

Posted on 2018-11-22 by KulturSharea

(Argazkia: Taupaka elkartea)

Suaia eta Ama Rebel taldeak hilaren 27an kaleratuko du bere lehenengo lana, baina gaur, diskoari izena ematen dion kantua eta bideoklipa aurkeztu du: Raggamuffin Kamarada.

Suaia eta Ama Rebel, 2016.urtean Bizkaiko oihanean sortzen den reggae taldea da eta bertan hainbat proiektutan parte hartu duten sortzaileak daude: Kodigo Norte, Esne Beltza, Potato, Lone Ark, Early Reflections, Gobeo Bay, Aiaraldeko Soinu Sistema, The Cherry Boopers,…

Taldea ez da soilik reggae estilora mugatzen, hainbat estilo jorratzen baititu: dancehall, roots, rub-a-dub dira horietako batzuk. Estilo horien bitartez, jendartean baztertze prozesuan dauden pertsonen alde eskeini nahi dituzte mezuak, reggae-ren sustrai aldarrikatzaileak mantenduz eta ikur errebelde eta euskalduna astinduz.

Pasa den urtean, hilaren 27an argitaratuko duten diskoan lanean murgilduta ibili da taldea eta grabaketa A-Lone Ark estudioan Roberto Sanchezen gidaritzapean egin dute. Sustraidun reggae disko berri hau sei abesti eta lau dub bertsioaz osatuta dago.

Gaur, lanari izena ematen dion abestia eta bideoklipa aurkeztu dute. Abesti eta bideoklip honetan, Raggamuffin Kamarada dugu protagonista moduan, Ama Rebel mugimenduaren liderra dena, uztailaren 26ko eta askatasun nazionalaren aldeko gerrilla latinoamerikarren eragina duena. Kantuan zehar, lurra eta askatasunaren defentsa egiten du taldeak: “hauxe da zure iraultza, ametsak gurekin dantzan, argi dugu norantza, dena aldatuko duen ekaitza”.

Bideoklipa, lyric bideo moduan aurkeztu du taldeak, eta reggae-ren munduan ezagutu diren sortzaile eta ikurrak nabarmentzen dira. Bideoa Etchetcoy Anaiakek sortu du.

You may also like

Lurrikara baten dardara dakar Itxaro Bordak idatzitako ‘Itzalen tektonika’ poema liburu berriak
Posted on 2024-04-24 by KulturSharea
Askotariko gaiak landu ditu lan honetan, horien artean daude politika, [...]
Mikel Etxaburu idazle bizkaitarrak ‘Manttalingo alaba’ poema liburua kaleratu du
Posted on 2024-04-24 by KulturSharea
Poemak musikatuz, Ondarroako idazleak ordubeteko emanaldi bat antolatu [...]
Patxi Zubizarretak eta Jokin Mitxelenak ‘Munduketariak’ liburua ondu dute
Posted on 2024-03-21 by KulturSharea
Gaztetxoentzako liburu honetan hegazkin baten irudia gelako lurrean [...]
La Furiak eta ØDEIk ‘Erro’ kanta eta bideoklipa kaleratu dute
Posted on 2024-03-15 by KulturSharea
La Furiak rap erritmoan ehuntzen du bere errealitatea, eta “pedigri [...]
Guda Dantza taldeak ‘Zenbat aldatu den dena’ abestia eta bideoklipa plazaratu ditu
Posted on 2024-03-12 by KulturSharea
Guda Dantza taldeko kideek kostunbrismo ariketa bat egin dute ”zenbat [...]
Herri Urrats jairako Neoma taldeak ondutako ‘Hor gaude’ abestia eta bideoklipa aurkeztu dituzte
Posted on 2024-03-08 by KulturSharea
Nerea Ibarzabal bertsolari bizkaitarra da hitzen egilea: "Ortzadarrari [...]
Doinuele euskara hutsezko plazen sareak aurtengo azoka eta plazen egutegia aurkeztu du
Posted on 2024-01-10 by KulturSharea
Itzaletik ikusgarritasunera ekarri nahi dituzte plazak, urtean zehar [...]

Page 2 of 56

Zabaldu: