Ruper Ordorikaren ‘Kafe Antzokian’ disko berriaren ‘Esan gabeko arrazoia’ aurrerapen kantua

Pasa den urteko abenduaren 15ean eta 16an Bilboko Kafe Antzokian eskeinitako kontzertuen emaitza zaindua biltzen du Ruper Ordorikaren lan berriak, eta aurretik toki berean grabatu eta argitaratutako zuzeneko diskoen zerrendan hirugarrena dugu. Kafe Antzokia ireki zenetik abenduero Bilboko Kafe Antzokian eskaini izan duen erritual jendetsuaren esentzia dakarkigu berriz ere abeslariak eta, azkenik, elkarren osagarri diren  Gaur (Esan Ozenki Records-2000), Hamar t´erdietan (Elkar-2008) eta Kafe Antzokian (Elkar-2019) diskoen gaitasunean oinarrituta, Ordorikak hiru puntako izarra irudikatu du, argia eta beroaren iturri.