Eva Perez-Pons idazleak ‘Erresistentziarako gorputzak: bollerak’ saiakera plazaratu du

Posted on 2023-04-17 by KulturSharea

Susa argitaletxearen Lisipe bilduma feministaren baitan ikusi du argia liburuak eta zaurgarritasunaren ulerkerari buelta bat eman dioten hainbat hausnarketa feminista jaso ditu egileak.

Bollera identitatearen inguruan egituratuta dago Eva Perez-Pons idazlearen (Lemoa, 1996 Erresistentziarako gorputzak: bollerak saiakera. “Bollera identitateak azken batean tresnak ematen dizkigu patriarkatuari aurre egiteko”, azaldu du egileak. Perez-Ponsek Gaur aurkeztu du liburua Donostian, Susa argitaletxearen eskutik eta zaurgarritasunaren ulerkerari buelta bat eman dioten hainbat hausnarketa feminista jaso ditu; Euskal Herriko Lesbiana Feministen Mugimenduaren hastapenak biltzen ditu, gaur eguneko bolleren borrokaren erroak eta sinergiak nondik datozen hobeto ulertu ahal izateko; eta heterosexualitatearen analisi teorikoa egiten du.

Horrez gain, idazle lemoarrak normaren parte izateko edo hierarkia sexualarekin apurtzeko posizioak aztertzen ditu, eta subjektua beste era batera ulertzeak parte-hartze politikorako planteamendu berriei bidea irekitzen diela proposatzen, ekintza zuzen ez-biolentoaren erabilera erresistentzia kolektiborako tresna gisa lehenetsiz.

Perez-Ponsek Industria Elektronikaren eta Automatikaren Ingeniaritzan gradua egina du eta Ikasketa Feministen eta Generokoen Masterra egiten ari da. 2020an Zaharkitze programatua poema bilduma kaleratu zuen Erein argitaletxearen eskutik, honetan, gai “deserosoak” jorratzen ditu, hala nola gutizia edo mendekotasunak eragindako indarkeria pasiboa.

You may also like

Nerea Loiolak ‘Arrisku Handiko Trena’ Eskapu bildumaren hirugarren liburua kaleratu du
Posted on 2024-11-21 by KulturSharea
Arrisku Handiko Trena Eskapu bildumaren hirugarren liburua da. [...]
Zientzia fikzioa eta umore ganberroa uztartu ditu Mikel Pagadizabalek ‘Bisita’ liburuan
Posted on 2024-11-07 by KulturSharea
Aurkezle, aktore eta gidoilari gipuzkoarraren estreinako lana da Elkar [...]
Literatura eta musika uztartu ditu Goio Ramosek ‘London Calling’ helduentzako lehen liburuan
Posted on 2024-11-07 by KulturSharea
Musikaren presentzia nagusi da eleberri honetan: taldea eratu, kideak [...]
Karmele Mitxelena idazle oiartzuarrak ‘Zorion edo antzeko zerbait’ eleberria plazaratu du
Posted on 2024-10-25 by KulturSharea
Idazle oiartzuarrak Ondarroako Udalak eta Elkar argitaletxeak [...]

Page 2 of 58

Zabaldu: